जमीन अन् पेन्शनचा वाद

या खळबळजनक हत्याकांडामागील मुख्य कारण कौटुंबिक वाद असल्याचे सांगितले जात आहे. मिळालेल्या माहितीनुसार, कुटुंबात गेल्या अनेक दिवसांपासून जमिनीच्या वाटपावरून सातत्याने भांडणे सुरू होती. याशिवाय, वृद्ध आई शीतला देवी यांना मिळणारी पेन्शनची रक्कम हेदेखील या वादाचे एक प्रमुख कारण होते. याच अंतर्गत कौटुंबिक वादाने आणि पैशांच्या प्रश्नांनी इतके भयंकर रूप धारण केले की, त्यातूनच या रक्तरंजित गुन्ह्याला अंजाम देण्यात आला.

हे ही वाचा : शेजाऱ्याच्या पत्नीसोबत अनैतिक संबंध, शेवटी नदीकाठी सडलेला मृतदेह सापडला

रागाच्या भरात मुलानेच...

आईला आणि बहिणीला मृत्यूच्या दाढेत ढकलणारा दुसरा तिसरा कोणी नसून शीतला देवी यांचा स्वतःचा मुलगा भूपेंद्र पटेल हाच आहे. जमीन आणि पैशांच्या वादातून आरोपी भूपेंद्र इतका हिंसक झाला की, त्याने रागाच्या भरात कुऱ्हाड उचलली आणि आपली आई शीतला देवी तसेच बहीण गौरा देवी यांची निर्दयीपणे हत्या केली. या घटनेमुळे परिसरातील नागरिकांना मोठा धक्का बसला असून, अशा क्रूर कृत्यामुळे रक्ताच्या नात्यांवरच आता प्रश्नचिन्ह निर्माण झाले आहे.

हे ही वाचा : सतीश सालीयान मातोश्रीच्या बाहेर, ठाकरेंना नोटीस देत काय बोलून गेले?

अंतर्मुख करायला लावणारी घटना

या दुहेरी हत्याकांडाची माहिती मिळताच पोलिसांनी तात्काळ घटनास्थळी धाव घेतली आणि कारवाई करत आरोपी मुलगा भूपेंद्र पटेल याला तिथूनच अटक केली. पोलिसांनी गुन्ह्यात वापरलेली कुऱ्हाडही घटनास्थळावरून जप्त केली आहे. सध्या पोलीस या संपूर्ण प्रकरणाचा सखोल तपास करत असून पुढील कायदेशीर कारवाई सुरू आहे. घरातील अंतर्गत वाद किती जीवघेणे परिणाम घडवून आणू शकतात, याचा विचार करायला लावणारी ही अत्यंत वेदनादायक आणि समाजाला अंतर्मुख करणारी घटना आहे.