कल्याण हादरले, तरुणाने जन्मदात्या वडिलांवर अन् सख्ख्या भावावर झाडल्या गोळ्या, नेमकं काय घडलं?

हेही वाचा : Weather Update: मुंबईकरांनो, पुढील 48 तास महत्त्वाचे! नेमका हवामान खात्याचा अंदाज तरी काय?

गुरुवली गावातील घरात घुसून दोघांवर झाडल्या गोळ्या

मिळालेल्या माहितीनुसार, शेलार कुटुंबात संपत्तीच्या हिस्स्यावरून गेल्या काही काळापासून वाद सुरू होता. याच वादातून कल्पेश शेलार याने आपल्या वडिलांसह सख्ख्या भावावर गोळीबार केल्याचा आरोप आहे. गुरुवली गावातील घरात घुसून त्याने दोघांवर गोळ्या झाडल्या. या हल्ल्यात बाळाराम शेलार यांच्या पोटात गोळी लागली, तर भरत शेलार यांच्या खांद्याला गोळी लागली आहे. अचानक झालेल्या या गोळीबारामुळे परिसरात एकच खळबळ उडाली. संपत्तीच्या हिस्स्यावरून सुरू असलेला वाद इतका वाढला की, मुलाने स्वतःच्या वडिलांवर आणि भावावर गोळीबार केल्याची घटना घडली.

हेही वाचा : '...तर आधी योगेश कदमांचा राजीनामा घ्या', NCP नेत्याने रामदास कदमांना डिवचलं!

संपत्तीच्या वादातून थेट कुटुंबातील सदस्यांवर गोळीबार

गोळीबारात गंभीर जखमी झालेल्या बाळाराम शेलार आणि भरत शेलार यांना तातडीने उपचारासाठी खासगी रुग्णालयात दाखल करण्यात आले आहे. सध्या दोघांवर रुग्णालयात उपचार सुरू आहेत. घटनेची माहिती मिळताच टिटवाळा पोलिसांनी घटनास्थळी धाव घेतली. पोलिसांनी या प्रकरणी कारवाई करत गोळीबाराचा आरोप असलेल्या कल्पेश शेलार आणि त्याची पत्नी रसिका शेलार या दोघांना अटक केली. अटकेनंतर दोघांना कल्याण न्यायालयात हजर करण्यात येणार असल्याची माहिती आहे. या घटनेमुळे गुरुवली गावासह आसपासच्या परिसरात खळबळ उडाली आहे.

दरम्यान, या गोळीबाराच्या घटनेत कल्पेश शेलार याच्यासोबत त्याची पत्नी रसिका शेलार हिचा नेमका सहभाग काय होता, याचाही तपास पोलीस करत आहेत. संपत्तीच्या वादातून घडलेल्या या घटनेमागील सर्व बाबींचा शोध घेण्यासाठी टिटवाळा पोलिसांकडून सखोल चौकशी सुरू आहे. वडील आणि सख्ख्या भावावर गोळीबार करण्यामागील नेमकी कारणे, तसेच या प्रकरणात दोघांची भूमिका काय होती, याचा तपास केला जात आहे. या प्रकरणातील पुढील तपासातून अधिक माहिती समोर येण्याची शक्यता आहे.