पतीचा हार्टअटॅकनं मृत्यू होताच, पत्नीनं सातव्या मजल्यावरून मारली उडी
विवाह झाल्यानंतर तीन महिन्यांनी दोघंही पती-पत्नी प्राणीसंग्रहालय बघायला गेली होती, मात्र तिथं गेल्यानंतर नवऱ्याला अस्वस्थ वाटू लागल्यामुळे रुग्णालयात दाखल करण्यात आले. मात्र डॉक्टरांनी हृदयविकाराचा झटका आल्याचे सांगत त्याला मृत घोषित केले, मात्र त्याचा मानसिक धक्का सहन झाल्यामुळे पत्नीनेही इमारतीवरून उडी मारून जीव देण्याचा प्रयत्न केला आहे.
ADVERTISEMENT
बातम्या हायलाइट
पतीच्या मृत्यूनं पत्नीनं उचललं टोकाचं पाऊल
Ghaziabad Crime News: गाझियाबादमध्ये कौशांबीमधील वैशाली चौकीमध्ये एक धक्कादायक घटना घडली आहे. एका नवविवाहित महिलेने पतीचा हृदयविकाराने मृत्यू झाल्याने तिने सातव्या मजल्यावरून उडी मारून जीव देण्याचा प्रयत्न केला आहे. महिलेच्या पतीचा हृदयविकाराने मृत्यू झाला असून त्या घटनेचा तिला मानसिक धक्का बसला आहे.
नुकताच झाला होता विवाह
या घटनेची माहिती देताना पोलिसांनी सांगितले की, 'अभिषेक आहुवालिया आणि अंजली यांचा तीन महिन्यापूर्वी विवाह झाला होता. लग्नानंतर दोघंही प्राणीसंग्रहालयला भेट देण्यासाठी गेले होते.
छातीत आली कळ
प्राणीसंग्रहालय पाहण्यासाठी गेल्यानंतर अंजलीच्या नवऱ्याच्या छातीच दुखायला सुरुवात झाली. छातीत दुखायला लागल्यामुळे अभिषेकला रुग्णालयात दाखल करण्यात आले, मात्र डॉक्टरांनी त्याचा मृत्यू झाल्याचे सांगितले.'
पत्नीला बसला मानसिक धक्का
अभिषेकचा मृत्यू झाल्याचे लक्षात आल्यानंतर मात्र अंजलीला मानसिक धक्का बसला. त्यानंतर अभिषेकचा मृतदेह त्याच्या घरी घेऊन जाण्यात आला. त्यावेळी आपल्या पतीचा मृत्यू झाल्याच्या त्या मानसिक धक्क्यातूनच तिने सातव्या मजल्यावरून घराच्या गॅलरीतून खाली उडी मारली.
हे वाचलं का?
