Sharad Ponkshe : कीर्तिकरांच्या जागेवर शिंदे 'या' अभिनेत्याला उतरवणार मैदानात?
Sharad Ponkshe Eknath Shinde Lok Sabha Election 2024 : गजानन कीर्तिकर यांनी मुलाविरोधात निवडणूक लढवण्यास नकार दिल्यानंतर एकनाथ शिंदे यांनी शरद पोंक्षे यांना तिकीट देण्याची तयारी केली आहे.
ADVERTISEMENT
बातम्या हायलाइट
गजानन कीर्तिकरांचा निवडणूक लढवण्यास नकार
एकनाथ शिंदेंच्या सेनेकडून मराठी अभिनेत्याला उमेदवारी मिळणार?
अमोल कीर्तिकरांच्या विरोधात शरद पोंक्षेंना तिकीट मिळणार?
Sharad Ponkshe eknath shinde Shiv Sena : लोकसभा निवडणुकीची रणधुमाळी सुरू झाली आहे. १९ एप्रिल रोजी पहिल्या टप्प्यातील मतदान होत आहे. त्यामुळे महाराष्ट्रात वेगाने हालचाली सुरू आहेत. काही लोकसभा मतदारसंघातील उमेदवार निश्चितबद्दल अजूनही चाचपण्या सुरू आहेत. मुंबईतील लोकसभा मतदारसंघांमध्ये पाचव्या टप्प्यात मतदान असून, आता त्याबद्दलही राजकीय पक्षांनी उमेदवार घोषित करणे सुरू केले आहे. अशात शिवसेनेच्या एका विद्यमान खासदाराने निवडणूक लढवण्यास नकार दिला आहे. त्यांच्या मतदारसंघातून एका मराठी अभिनेत्याला निवडणुकीचे तिकीट मिळणार असल्याचे खात्रीलायक सुत्रांनी सांगितले. (Shiv Sena led by eknath shinde may nominate sharad ponkshe for lok sabha election)
देशात लोकसभा निवडणुकीचे पडघम वाजू लागलेत,राजकीय पक्षांनी आपल्याला मिळालेल्या जागांवर उमेदवारांची घोषणाही केलेली आहे. मुंबईतील ६ लोकसभा मतदारसंघाकडे सगळ्यांचं लक्ष लागलंय. मुंबईतल्या काही जागांवर उमेदवारांची घोषणा झालीय, मुंबईतील उत्तर –पश्चिम मतदारसंघ हा एकनाथ शिंदेंच्या शिवसेनेकडे आहे. मात्र या जागेवरून कोणाला रिंगणात उतरवायचं याबद्दल जे प्रश्नचिन्ह होतं, त्यावर तोडगा निघाला असल्याची खात्रीलायकरित्या माहिती मुंबई Tak कडे आली आहे.
मुख्यमंत्री एकनाथ शिंदे उत्तर पश्चिम मुंबई लोकसभा मतदारसंघातून अभिनेते शरद पोंक्षे यांना शिवसेना उमेदवार म्हणून निवडणुकीत उतरवणार असल्याची माहिती आहे.
सूत्रांनी दिलेल्या माहितीनुसार शरद पोंक्षे सध्या सिक्कीममध्ये शूटींग करत असून दोन दिवसांपूर्वी एकनाथ शिंदेंच्या गोटातून पोंक्षेंना निवडणूक लढवणार? का अशी विचारणा झाली आहे.
हे वाचलं का?
