PM Modi: 'पवार या वयात कुटुंबाला सांभाळू शकत नाही ते महाराष्ट्र काय सांभाळणार', मोदींची बोचरी टीका
PM Modi vs Sharad Pawar:'शरद पवार या वयात कुटुंबाला सांभाळू शकत नाहीत, ते महाराष्ट्राला काय सांभाळणार?' असा सवाल विचारत पंतप्रधान मोदींनी शरद पवारांवर जोरदार टीका केली आहे.
ADVERTISEMENT
Maharashtra Lok Sabha Election 2024: मुंबई: 'या वयात कुटुंबाला सांभाळू शकत नाहीत, ते महाराष्ट्राला काय सांभाळणार?', अशी अत्यंत बोचऱ्या शब्दात पंतप्रधान मोदी यांनी शरद पवार यांच्यावर टीका केली आहे. लोकसभा निवडणुकीत शरद पवार यांनी महाराष्ट्रात भाजपसमोर मोठं आव्हान उभं केलंय. पण याचबाबत बोलताना पंतप्रधान मोदींनी आता पुन्हा एकदा शरद पवारांवर निशाणा साधला आहे. (lok sabha election 2024 sharad pawar cant take care of his family at this age what will maharashtra take care of pm modi criticism)
टीव्ही 9 मराठीला दिलेल्या एका मुलाखतीत पंतप्रधान नरेंद्र मोदी यांनी महाराष्ट्रातील सध्याच्या परिस्थितीवर आणि विशेषत: शरद पवार आणि उद्धव ठाकरे यांच्यावर जोरदार टीका केली आहे. पाहा यावेळी पंतप्रधान मोदी नेमकं काय म्हणाले..
'या वयात कुटुंबाला सांभाळू शकत नाहीत, ते महाराष्ट्राला काय सांभाळणार?', मोदींनी पवारांना डिवचलं..
प्रश्न: शरद पवार किंवा उद्धव ठाकरे यांच्याकडे एक भावनिक मुद्दा आहे.. त्यांचा पक्ष फुटला, कुटुंब फुटलं.. तुम्हाला वाटत नाही का? भाजपसमोर महाराष्ट्रात हे मोठं आव्हान आहे म्हणून? हे इमोशनल कार्ड त्यांच्याकडे आहे.
पंतप्रधान मोदी: महाराष्ट्रातील मतदार हा आमच्यासोबत भावनिकदृष्ट्या जोडला गेला आहे. जिथवर शरदरावांचा मुद्दा आहे.. ही राजकीय अडचण नाहीच.. त्यांनी हा कितीही राजकीय मुद्दा बनवला तरी ही गोष्ट महाराष्ट्रातील जनेतला कशी पचनी पडेल?
हे वाचलं का?
