Sunetra Pawar यांना क्लिनचीट मिळालेलं 25000 कोटींचा घोटाळा प्रकरण काय?
Maharashtra State Cooperative Bank Scam : मुंबई पोलिसांच्या आर्थिक गुन्हे शाखेने (Economic Offense Wing) महाराष्ट्राचे उपमुख्यमंत्री अजित पवार यांच्या पत्नी आणि बारामती लोकसभा मतदारसंघातील महायुतीच्या उमेदवार सुनेत्रा पवार यांना महाराष्ट्र राज्य सहकारी बँकेच्या (MSCB) 25,000 कोटी रूपयांच्या प्रकरणात क्लिनचीट दिली आहे.
ADVERTISEMENT
बातम्या हायलाइट
महाराष्ट्र राज्य सहकारी बँक घोटाळा प्रकरण आहे तरी काय?
क्लोजर रिपोर्टमध्ये काय?
Maharashtra State Cooperative Bank Scam : मुंबई पोलिसांच्या आर्थिक गुन्हे शाखेने (Economic Offense Wing) महाराष्ट्राचे उपमुख्यमंत्री अजित पवार यांच्या पत्नी आणि बारामती लोकसभा मतदारसंघातील महायुतीच्या उमेदवार सुनेत्रा पवार यांना महाराष्ट्र राज्य सहकारी बँकेच्या (MSCB) 25,000 कोटी रूपयांच्या प्रकरणात क्लिनचीट दिली आहे. अजित पवार, सुनेत्रा पवार आणि त्यांचा पुतण्या रोहित पवार यांच्याशी संबंधित या प्रकरणात कोणताही गुन्हा झाला नसल्याचे मुंबई पोलिसांनी आपल्या क्लोजर रिपोर्टमध्ये म्हटलं आहे. हे प्रकरण नेमकं काय आहे? याविषयी सविस्तर जाणून घेऊयात. (What exactly is the Maharashtra State Cooperative Bank Scam case in which sunetra Pawar got a clean chit)
महाराष्ट्र राज्य सहकारी बँक घोटाळा प्रकरण आहे तरी काय?
सातारा येथील 'जरंडेश्वर साखर सहकारी कारखाना' नावाच्या साखर कारखान्याच्या विक्रीत अजित पवार आणि त्यांची पत्नी सुनेत्रा पवार यांचा सहभाग असल्याचा आरोप आर्थिक गुन्हे शाखेने केला होता. माहितीनुसार, ईडीच्या (अंमलबजावणी संचलनालय) तपासात असा दावा करण्यात आला होता की, हा कारखाना 2010 मध्ये गुरू कमोडिटी सर्व्हिसेसला 65 कोटी रूपांना विकला गेला होता. या कारखान्याने अनेक सहकारी बँकांकडून कर्ज घेतले होते, तरीही त्याची आर्थिक स्थिती बिकट झाली होती.
हेही वाचा : Sangli Lok Sabha : "तुला खासदार करण्याची जबाबदारी विश्वजित कदमांची राहिल", कदमांचं तुफान भाषण
कारखान्याला कर्ज देणाऱ्या बँकांमध्ये पुणे जिल्हा मध्यवर्ती सहकारी बॅंकेचंही नाव होतं. जी 1995 मध्ये अजित पवार यांच्या अध्यक्षतेखाली होती असा ईडीचा आरोप आहे. ज्यावेळी या कारखान्याला काहीच किंमत उरली नव्हती तेव्हा अजित पवार यांच्या नातेवाईकांना कवडीमोल भावाने कारखाना विकण्यात आला.
यावेळी जरंडेश्वर शुगर मिल्स (JSM) प्रायव्हेट लिमिटेड आणि जय अॅग्रोटेक यांनी कारखाना खरेदी करण्यासाठी खरेदीदाराला पैसे दिल्याचा आरोपही तपासात करण्यात आला. अजित दादांच्या पत्नी सुनेत्रा पवार 2008 पर्यंत जय अॅग्रोटेकच्या संचालक होत्या आणि त्यांचे नातेवाईक राजेंद्र घाडगे जरंडेश्वर साखर कारखान्याचे संचालक होते. त्यावेळी ईडीचे हे दावे होते. आता मुंबई पोलिसांनी सुनेत्रा पवरांचा जय अॅग्रोटेकशी संबंध नसल्याचे म्हटले आहे. कारण, त्यांचा संचालक म्हणून कार्यकाळ 1 एप्रिल 2004 पासून सुरू झाला आणि 18 जुलै 2008 रोजी संपला. साखर कारखाना विक्रीवेळी त्यांचा या कंपनीशी कोणत्याही प्रकारचा संबंध नसल्याचे आढळले.
हे वाचलं का?
