Eknath Shinde : नाशिकच्या जागेसाठी शिंदेंनी बनवला होता 'हा' प्लॅन; भुजबळांना दिली होती ऑफर
Nashik Lok Sabha Election : छगन भुजबळ यांचे नाव समोर आल्यानंतर एकनाथ शिंदेंनी त्यांना वेगळ्या मतदारसंघातून लढवण्याचा पर्याय दिला होता.
ADVERTISEMENT
बातम्या हायलाइट
नाशिक लोकसभा मतदारसंघ निवडणूक २०२४
छगन भुजबळ यांना शिंदेंनी काय दिला होता प्रस्ताव?
छगन भुजबळांना सूचवला होता वेगळा मतदारसंघ
Nashik Lok Sabha Election 2024 : महायुतीत नाशिकच्या जागेचा तिढा सुटलेला नाही. या मतदारसंघावर एकनाथ शिंदेंची शिवसेना, अजित पवारांची राष्ट्रवादी काँग्रेस आणि भाजपने दावा केलेला आहे. त्यामुळे उमेदवार कोण असणार आणि कोण असणार, हा सस्पेन्स अजूनही कायम आहे. पण, अशात एकनाथ शिंदेंचा एक प्लॅन समोर आला आहे. नाशिकमधून भुजबळ लढतील अशी चर्चा सुरू झाल्यानंतर शिंदेंनी नाशिकची जागा मिळवण्यासाठी वेगळा प्लॅन तयार केला होता. यासंदर्भात भुजबळ यांना प्रस्तावही दिला होता. पडद्यामागे नेमकं काय घडलं, जाणून घ्या.
झालं असं की, भोसरी येथे झालेल्या महाविकास आघाडीच्या मेळाव्यात बोलताना अमोल कोल्हे यांनी एकनाथ शिंदेंच्या या प्लॅनबद्दल भाष्य केलं.
अमोल कोल्हे काय म्हणाले, ते वाचा...
"मीडियात बातमी आली होती की, समोर असलेले महायुतीचे उमेदवार जरी चार पक्षांमध्ये बेडूक उड्या मारून गेले असले, तरी सुद्धा पहिल्या पसंतीचे उमेदवार नव्हते. उमेदवारी खरंतर वेगळ्याच ठिकाणी देण्याची मुख्यमंत्र्यांची इच्छा होती."
हेही वाचा >> ...म्हणून महाराष्ट्र काँग्रेसने विशाल पाटलांवर केली नाही कारवाई
"जी बातमी मला मीडियातून ऐकायला मिळाली, त्यानुसार छगन भुजबळांना उमेदवारी ही मुख्यमंत्र्यांच्या डोक्यात होती. पण, छगन भुजबळांनी नकार दिल्यामुळे ही उमेदवारी घेण्यासाठी पुन्हा एकदा जिथे आधी उद्धव ठाकरेंना धोका देऊन शिंदेंच्या शिवसेनेत गेले, तिथून उडी मारून शेवटी ज्यांच्यावर टीका केली आणि ज्यांना २०१९ मध्ये हिंमत असेल, तर समोर लढून दाखवा असं आव्हान संसदेच्या प्रांगणात जाऊन देत होते, त्यांच्याच वळचणीला जाऊन आज उमेदवारी घ्यावी लागली."
हे वाचलं का?
