अभिनेत्री संचिताचा सिनेसृष्टीत मानसिक छळ? कोणी केले सनसनाटी आरोप?

Actress sanchita ugale suicide case  : नालासोपारा येथील 22 वर्षीय टीव्ही अभिनेत्री संचिता उगाले हिच्या आत्महत्येने संपूर्ण मनोरंजन विश्वात खळबळ उडाली आहे. संचिताने रविवारी सायंकाळी आपल्या राहत्या घरी गळफास घेऊन जीवन संपवले. 'दिलवाली दुल्हा ले जाएगी', 'कुमकुम भाग्य', 'वागले की दुनिया' यांसारख्या लोकप्रिय मालिका आणि 'छावा' चित्रपटात अभिनय करणाऱ्या संचिताच्या अकाली मृत्यूमुळे अनेकांना धक्का बसला आहे. दरम्यान, संचिताच्या निधनानंतर तिच्या मावशीने आणि वडिलांनी सिनेसृष्टीतील काही लोकांवर अत्यंत गंभीर आरोप केले आहेत, ज्यामुळे या प्रकरणाला आता एक नवे वळण मिळाले आहे.