नुक्कडसाठी समीर खाखर यांची कशी झाली होती कास्टिंग, काय आहे यामागचा किस्सा?
Actor Sameer Khakhar Passes Away: अभिनेता समीर खाखर यांनी या जगाचा निरोप घेतला आहे. मीडिया रिपोर्ट्सनुसार, समीर काही काळापासून आजारी होते आणि त्यांना श्वसन आणि इतर वयोमानाशी संबंधित आजार होते. काल दुपारी त्यांना श्वास घेण्यास त्रास होऊ लागल्याने त्यांना रुग्णालयात दाखल करण्यात आले, तेथे त्यांनी अखेरचा श्वास घेतला. सोशल मीडियावर (Social media) चाहते आणि सेलिब्रिटी […]
ADVERTISEMENT
Actor Sameer Khakhar Passes Away: अभिनेता समीर खाखर यांनी या जगाचा निरोप घेतला आहे. मीडिया रिपोर्ट्सनुसार, समीर काही काळापासून आजारी होते आणि त्यांना श्वसन आणि इतर वयोमानाशी संबंधित आजार होते. काल दुपारी त्यांना श्वास घेण्यास त्रास होऊ लागल्याने त्यांना रुग्णालयात दाखल करण्यात आले, तेथे त्यांनी अखेरचा श्वास घेतला. सोशल मीडियावर (Social media) चाहते आणि सेलिब्रिटी समीर यांना श्रद्धांजली अर्पण करत आहेत. यासोबतच प्रेक्षकांना त्याच्याबद्दल अधिकाधिक माहिती जाणून घेण्याची इच्छा आहे. समीर यांना नुक्कडमध्ये खोपडीची भूमिका कशी मिळाली, तो किस्सा आपण जाणून घेऊया. (How was the casting of Sameer Khakhar for Nukkad? The story is interesting)
‘ये जो है जिंदगी’पासून सुरुवात…
समीर खाखर यांच्या टीव्ही करिअरची सुरुवात ‘ये जो है जिंदगी’मधून झाली. त्याच्या एका एपिसोडमध्ये त्यांनी डिटेक्टिव्हची भूमिका साकारली होती. नुक्कडमधून त्यांच्या करिअरची सुरुवात झाली, असे लोकांना अजूनही वाटते. समीर खाखर यांनी नुक्कडमध्ये खोपडीची भूमिका साकारली होती, ज्याला प्रेक्षकांचा चांगला प्रतिसाद मिळाला होता. समीर खाखरच्या नुक्कडमधील कास्टिंगची कथाही खूप मजेदार आहे.
नुक्कड कसे मिळाले?
अमजद खान यांच्यासोबत ‘फुर फुर करके आयी चिडिया’ या नाटकामुळे त्यांना नुक्कडमध्ये गोपाळ उर्फ खोपडी ही भूमिका मिळाली असे म्हटल्यास वावगे ठरणार नाही. ‘फुर फुर…’ मध्ये समीर यांच्या एका मित्राने त्यांना सांगितले की एक मोठा शो बनत आहे आणि त्याचे निर्माते तुम्हाला भेटू इच्छित आहेत. अशा परिस्थितीत तुम्ही उद्या मराठा मंदिरात पोहोचा, तिथे मी तुमची सईद मिर्झा (दिग्दर्शक) यांच्याशी ओळख करून देतो.
हे वाचलं का?
ADVERTISEMENT
मित्र मराठा मंदिरात आलाच नाही
दुसऱ्या दिवशी समीर मराठा मंदिरात पोहोचले पण बराच वेळ थांबूनही त्यांचा मित्र आला नाही. त्यानंतर समीर यांनी जवळच्या दुकानातून सिगारेट विकत घेऊन ती पेटवून फुंकायला सुरुवात केली. योगायोगाने तेव्हाच कुंदन शहा तेथे आले, त्यांच्यासोबत आणखी एक व्यक्ती होती. कुंदनने समीरला विचारले की तू इथे काय करतो आहेस, तेव्हा समीरने सगळा प्रकार सांगितला. समीरचे बोलणे ऐकून कुंदन शाह हसले आणि म्हणाले की त्याच्यासोबत जो व्यक्ती आहे, त्याचे नाव अझीझ मिर्झा आहे आणि ते सईद मिर्झा यांचा मोठा भाऊ आहे.
अभिनेते सतीश कौशिक यांचा मृत्यू कशामुळे झाला?
ADVERTISEMENT
मिर्झा बंधूंचे घर मराठा मंदिराजवळ होते. तिथे कुंदनने समीपला नेले. सईद मिर्झाला भेटल्यानंतर समीरची एक छोटीशी परीक्षा झाली आणि त्यानंतर त्यांना नुक्कडमध्ये खोपडीची भूमिका मिळाली. या कथेतील आणखी एक मजेशीर गोष्ट म्हणजे सुरुवातीला खोपडीचे पात्र फक्त तीन भागांसाठी होते, पण समीरचा अभिनय पाहून सईद मिर्झाने ते संपूर्ण शोमध्ये वाढवले. नुक्कडचा सीक्वल देखील 1993 साली आला होता, पण जुन्या नुक्कडप्रमाणे प्रेक्षकांची मने जिंकू शकला नाही.
ADVERTISEMENT
समीर यांच्या अभिनयाने सगळेच प्रभावित झाले
शोचे शूटिंग १/१ च्या पॅटर्नमध्ये चालायचे. मात्र, या कार्यक्रमाचे सुरुवातीचे भाग प्रसारित करण्यासोबतच समीर खाखर यांनी अभिनयाची अशी जादू दाखवली की सर्वजण प्रभावित झाले. समीरच्या पात्राला चांगला प्रतिसाद मिळत होता आणि त्यानंतर निर्मात्यांनी त्यांचे पात्र शोमध्ये पुढे नेण्याचा निर्णय घेतला. आज समीर खाखर यांच्या निधनाने चाहते त्यांचे कार्य आणि व्यक्तिरेखा आठवत आहेत.
Sameer Khakkar : नुक्कड़मधील खोपडी फेम अभिनेते समीर खाखरांचं निधन
ADVERTISEMENT