Shahrukh Khan jawan Movie Trailer : बॉलिवूडचा बादशाह शाहरूख खानच्या (Shahrukh khan) जवान (Jawan) सिनेमाचा ट्रेलर लाँच झाला आहे. या ट्रेलरमध्ये शाहरूख खान दमदार अ‍ॅक्शन सीन्स करताना दिसला आहे. त्यामुळे शाहरूखचे अ‍ॅक्शन सीन्स आणि डायलॉग डिलीव्हरी पाहता हा सिनेमा देखील पठाण प्रमाणे हिट ठरले अशी अपेक्षा व्यक्त केली जात आहे. (jawan trailer out of shah rukh khan movie action and drama nayanthara vijay sethupati)
ट्रेलरआधी जवान सिनेमाचा पोस्टर लाँच करण्यात आला होता. या पोस्टरमध्ये शाहरूख खान तोंडावर पट्टी लावलेल्या अवस्थेत म्हणजेच जखमी दाखवण्यात आला होता. त्यामुळे साहजिक चाहत्यांना ट्रेलरमध्ये दमदार अ‍ॅक्शन आणि फाईट सीन्सची पाहण्याची संधी मिळेल अशी अपेक्षा होती आणि तसेच घडले आहे.
हे ही वाचा : Abdul Karim Telgi : ट्रेनमध्ये विकायचा शेंगदाणे! 30,000 कोटींचा घोटाळा करणारा तेलगी कोण?
जवानच्या ट्रेलरमध्ये शाहरूख खान दमदार लुक्ससह अ‍ॅक्शन सीनमध्ये दिसला आहे. या सिनेमात साऊथचाही तडका लागणार आहे. कारण अभिनेत्री नयनतारा आणि अभिनेता विजय सेतूपती देखील या सिनेमात दिसणार आहे. अभिनेत्री नयनतारा पोलिसांच्या भुमिकेत आहे. आपल्या मिशनवर निघालेल्या शाहरूखला रोखण्यासाठी नयनतारा प्रयत्न करताना दिसते. या दरम्यान ती देखील तुफानी अ‍ॅक्शनमध्ये दिसणार आहे. तर विजय सेतूपती विलनच्या भूमिकेत दिसणार आहे. त्यामुळे शाहरूख आणि सेतूपती यांच्यातलाही संघर्ष पाहायला मिळेल.
जवानच्या टीझरनध्ये शाहरूख खानची गर्ल गँग देखील दाखवण्यात आली आहे. आपल्या हेड शाहरूख खानसह ही गर्ल गँगही दमदार अ‍ॅक्शनमध्ये दिसणार आहे. या गर्ल गँगमध्ये सान्या मल्होत्रा, प्रियामणी, आश्लेषा ठाकूर, लहर खान,रिद्धी डोगरा, संजीता भट्टाचार्या, गिरीजा ओक गोडबोले आणि आलिया खुरेशी या तरूणी आहेत.ट्रेलरमध्ये शाहरूख खानचं या गर्ल गँगसोबत खास कनेक्शन आहे. शाहरूख सोबत या मुली अशी टीम बनवत आहेत, ज्या टीमला तोंड देणे कोणत्याही शत्रूला अवघड जाणार आहे.
शाहरूख खानचा मास अवतार, विजय सेतूपतीचा खलनायकी रोल आणि नयनताराचा दमदार अभिनय या सिनेमाला स्फोटक चित्रपट बनवत आहे. या तिघांच्या दमदार अ‍ॅक्शन, अभिनयाच्या जोरावर हा सिनेमा हिट ठरणार असल्याचे बोलले जात आहे.
हे ही वाचा : India Alliance : …म्हणून काँग्रेस-राष्ट्रवादी वंचित आघाडीला सोबत घेत नाहीये
या सिनेमाला ट्रेलर रिलीज होताच युट्युबवर तीन तासातच 7 लाख लोकांनी हा ट्रेलर पाहायला आहे. या ट्रेलरला प्रेक्षकांचा भरभरून प्रतिसाद मिळत आहे. हा प्रतिसाद पाहता आता पठाण प्रमाणेच शाहरूखचा हा सिनेमा देखील हिट ठरण्याची शक्यता वर्तवण्यात येत आहे.
दरम्यान जवान हा सिनेमा येत्या 7 सप्टेंबर 2023 ला सिनेमागृहात रिलीज होणार आहे. या सिनेमाची उत्सुकता प्रेक्षकांना लागली आहे.
