अरबाज खान वयाच्या 58 व्या वर्षी दुसऱ्यांदा झाला बाप, सलमान खान पुन्हा एकदा झाला काका

अरबाज आणि शूराची प्रेमकहाणी

अरबाज खान आणि शूरा खान यांची प्रेमकहाणी ही बॉलिवूडच्या पडद्यामागे फुललेली एक गोड लवस्टोरी आहे. दोघांची पहिली भेट रवीना टंडनच्या ‘पटना शुक्ला’ या चित्रपटाच्या सेटवर झाली होती. त्या वेळी अरबाज या चित्रपटाचे निर्माता होते, तर शूरा मुख्य अभिनेत्रीची मेकअप आर्टिस्ट म्हणून काम करत होत्या. सेटवर सुरू झालेले व्यावसायिक नाते हळूहळू मैत्रीत आणि नंतर प्रेमात बदलले. काही काळ डेट केल्यानंतर, 24 डिसेंबर 2023 रोजी दोघांनी अरबाजची बहीण अर्पिता खान शर्मा यांच्या निवासस्थानी एका खास निकाह सोहळ्यात लग्न केले.

हेही वाचा : शरद पवारांच्या आमदाराला मारहाण झाल्याची चर्चा, अखेर बापूसाहेब पठारे समोर; काय घडलं? सगळं सांगितलं

अरबाजचे दुसरे अपत्य

अरबाज खान खानचे हे दुसरे अपत्य आहे. अरबाज खानने अभिनेत्री मलायका अरोरा हिच्याशी पहिला विवाह केला होता. त्यानंतर त्यांना पहिला मुलगा झाला होता. त्याचं नाव अरहान खान असं आहे. मलायका आणि अरबाज यांचे लग्न 1998 मध्ये झाले होते, मात्र 19 वर्षांच्या वैवाहिक आयुष्यानंतर 2017 मध्ये दोघांचा घटस्फोट झाला.