Bollywood च्या ‘ट्रॅजिडी किंग’ ची एग्झिट, पाहा दिलीप कुमार यांच्या खास आठवणी

ट्रॅजिडी किंग म्हणून ओळख असलेल्या आणि आपल्या सदाबहार अभिनयाच्या जोरावर बॉलिवूडमध्ये आपलं नाव मोठं करणारे अभिनेते दिलीप कुमार यांचं आज वृद्धापकाळानं निधन झालं आहे. वयाच्या ९८ व्या वर्षी मुंबईतील रुग्णालयात त्यांनी अखेरचा श्वास घेतला.

दिलीप साहेबांचे त्यांचे मूळ नाव मोहंमद युसूफ खान. पेशावरमधील त्यांच्या कुटुंबामध्ये हिंडको ही भाषा बोलली जात असे. दिलीपकुमार यांच्यासह ती सर्व 12 भावंडे होती. 1920च्या दशकाच्या अखेरीस दिलीपकुमार यांचे कुटुंबीय मुंबईला आले व येथेच स्थायिक झाले.