पती समीर वानखेडेंना टार्गेट करणाऱ्यांना क्रांती रेडकरने दिलं प्रत्युत्तर; म्हणाली…

समीर वानखेंडेंवर आता या प्रकरणामुळे चहूबाजूंनी टीका होत आहे. अनेक जण सध्या समीर वानखेंडेंना टारगेट करत आहेत. मात्र आता समीर वानखेडेंची बायको आणि अभिनेत्री क्रांती रेडकरने आपल्या पतीविरोधात होत असलेल्या टीकेवर उत्तर दिलं आहे. क्रांतीने ट्वीट करत समीर वानखेंडेंना आपला भक्कम पाठिंबा असल्याचं सांगितलं आहे.

क्रांतीने ट्वीट करत म्हटलं आहे की जेव्हा तुम्ही लाटांविरोधात पोहता, तेव्हा बुडण्याची शक्यता जास्त असते. पण जेव्हा देव तुमच्या सोबत असतो तेव्हा या जगातली कुठलीही लाट मग ती किती ही प्रचंड असो तुम्हाला बुडवू शकत नाही. कारण तो तुमच्या मागे उभा आहे. तो सत्यासोबत आहे. क्रांतीने ट्वीटमध्ये म्हटलं आहे की देव सोबत असल्यावर कुठलीही लाट तुम्हांला बुडवू शकत नाही. समीर वानखेडे आपलं काम करत आहेत. आणि देव त्यांच्यासोबत आहे आणि त्यांच्यामागे भक्कमपणे उभा आहे.

When you swim against the tide , it may drown you, but if the almighty is with you , no tide this is world is big enough to drown you. Because , only HE knows the truth good morning . SATYAMEV JAYATE.

— Kranti Redkar Wankhede (@KrantiRedkar) October 25, 2021

याच्याआधी काही दिवसांपूर्वी क्रांतीनं समीर यांचा प्रचंड अभिमान वाटतो, असं सांगितलं होतं. ते प्रथम देशाचे आहेत मग आमचे,असंही क्रांती म्हणाली होती. इतकंच नव्हे तर त्यांची काळजी वाटते पण त्यांना पूर्ण पाठिंबा असून कोणत्याही परिस्थीतीत त्यांना सहकार्य करण्याची तयारी असल्याचंही क्रांती रेडकर म्हणाली होती.