कोरोना रुग्णसंख्येनं वाढलीये चिंता! महाराष्ट्रासह केंद्राचं पाच राज्यांना पत्र, सतर्क राहण्याचे आदेश

Corona Updates : केंद्रीय आरोग्य सचिवांनी महाराष्ट्रासह पाच राज्यांना पत्र पाठवलं असून, परिस्थितीवर नजर ठेवण्याच्या आणि गरज पडल्यास आवश्यक पावलं उचलण्याच्या केल्या आहेत सूचना
कोरोना रुग्णसंख्येनं वाढलीये चिंता! महाराष्ट्रासह केंद्राचं पाच राज्यांना पत्र, सतर्क राहण्याचे आदेश
(फाइल फोटो)

कोरोनाच्या एक्सई या नव्या उपविषाणूची चर्चा सुरू असतानाच केंद्र सरकार सतर्क झालं आहे. केंद्र सरकारने शुक्रवारी महाराष्ट्रासह देशातील पाच राज्यांना पत्र पाठवलं असून, सतर्क राहण्याचे आदेश दिले आहेत. केंद्रीय आरोग्य मंत्री राजेश भूषण यांनी महाराष्ट्रासह पाच राज्यातील नव्याने वाढत असलेल्या रुग्णसंख्येबद्दल चिंता व्यक्त केली आहे.

केंद्रीय आरोग्य सचिव राजेश भूषण यांनी महाराष्ट्र, दिल्ली, हरयाणा, केरळ आणि मिझोराम या राज्यांना पत्र पाठवलं आहे. पत्रात वाढत्या रुग्णसंख्येबद्दल चिंता व्यक्त करताना भूषण यांनी म्हटलं आहे की, कोरोनाच्या नव्याने वाढत्या रुग्णसंख्येवर नजर ठेवली जावी. त्याचबरोबर गरज निर्माण झाल्यास आवश्यक उपाययोजना करण्यात याव्यात.

कोरोना रुग्णसंख्येनं वाढलीये चिंता! महाराष्ट्रासह केंद्राचं पाच राज्यांना पत्र, सतर्क राहण्याचे आदेश
मुंबईकरांनो काळजी घ्या ! शहरात कोरोनाच्या XE variant चा पहिला रुग्ण आढळला

केंद्र सरकारने १८ वर्षांवरील वयोगटातील सर्वांसाठी बुस्टर डोस घेण्यास परवानगी दिली असून, केंद्रीय सचिव राजेश भूषण शनिवारी सकाळ १०.३० वाजता बुस्टर डोज संदर्भात एक बैठकही घेणार आहेत.

बुस्टर डोज घेण्याचा मार्ग मोकळा

केंद्र सरकारने अखेर १८ वर्षांवरील सर्व नागरिकांना बुस्टर डोज देण्यास परवानगी दिली आहे. बुस्टर डोज सर्व खासगी केंद्रावर उपलब्ध असणार आहे. तर सरकारी केंद्रावरून सुरू असलेल्या लसीकरण केंद्रामध्ये आरोग्य कर्मचारी, फ्रंटलाईन वर्कर्स आणि ६० वर्षांपुढील नागरिकांसाठी बुस्टर डोज देण्याची सुविधा सुरू राहणार आहे.

केंद्रीय आरोग्य मंत्रालयाने दिलेल्या माहितीप्रमाणे १८ वर्षांपुढील सर्व नागरिक खासगी लसीकरण केंद्रावर जाऊन बुस्टर डोज घेऊ शकणार आहेत. १८ वर्षांपुढील व्यक्ती ज्यांनी दुसरा डोज घेतला आहे आणि त्याला ९ महिने पुर्ण झाले आहेत अशा व्यक्ती बुस्टर डोज घेऊ शकणार आहेत.

कोरोना रुग्णसंख्येनं वाढलीये चिंता! महाराष्ट्रासह केंद्राचं पाच राज्यांना पत्र, सतर्क राहण्याचे आदेश
कोरोना वाढवणार टेन्शन; XE व्हेरियंटबद्दल WHO ने व्यक्त केली चिंता

आतापर्यंत देशात १५ वर्षांवरील लोकसंख्येपैकी ९६ टक्के लोकांनी कमीत कमी एक डोज घेतलेला आहे. तर १५ वर्षांपुढील ८३ टक्के लोकांनी दोन्ही डोज घेतलेले आहेत. आरोग्य कर्मचारी, फ्रंटलाईन वर्कर्स आणि ६० वर्षांपुढील व्यक्तींना २.४ कोटी बुस्टर डोज देण्यात आले आहेत. तर १२ ते १४ वयोगटातील ४५ टक्के लोकसंख्येला पहिला डोज मिळाला आहे.

Related Stories

No stories found.