एकनाथ खडसेंच्या ED चौकशीवर देवेंद्र फडणवीस यांची प्रतिक्रिया, म्हणाले…

मुंबई तक

ADVERTISEMENT

Mumbaitak
social share
google news

एकनाथ खडसे यांना ईडीने चौकशीसाठी बोलावलं. त्यासाठी त्यांना बुधवारी समन्स बजावण्यात आलं होतं. माझ्यावर राजकीय हेतूने ही कारवाई करण्यात आल्याचा आरोप एकनाथ खडसे यांनी प्रसारमाध्यमांशी बोलताना केला. त्यापाठोपाठ राष्ट्रवादी काँग्रेसच्या नेत्यांनीही यासंदर्भात भाजपवर टीका केली. आता या ईडी कारवाईबाबत देवेंद्र फडणवीस यांचीही प्रतिक्रिया समोर आली आहे. एकनाथ खडसे यांच्या ईडी चौकशीबाबत विचारलं असता देवेंद्र फडणवीस म्हणाले, ‘मी काही ईडीचा प्रवक्ता नाही. कायदा आपलं काम करतो आहे. याबाबत जे काही बोलायचं ते ईडी बोलेल. भाजपमध्ये अशाप्रकारे सुडाने काम करण्याची प्रथा नाही’ असं म्हणत फडणवीस यांनी प्रतिक्रिया दिली आहे.

देवेंद्र फडणवीस हे आज नाशिकमध्ये होते. नाशिकच्या परिवहन सेवेचे उद्घाटन केले यावेळी म्हटलं की आनंद आहे की, अतिशय अत्याधुनिक प्रकारची ट्रान्सपोर्टेशन सिस्टीम नाशिकला देत आहोत. ही अजून डेव्हलप करायला लागणार आहे. महानगपालिकेने ५० बसेस केंद्र सरकारकडे मागितल्या आहेत त्या मिळवून देण्यासाठी प्रयत्न करु निओ मेट्रो आणि बस सिस्टम या दोन्ही सुरु झाल्यानंतर एका आधुनिक शहरात नाशिकचे रुपांतर होईल.

काय आहे भोसरीचं भूखंड प्रकरण?

हे वाचलं का?

ADVERTISEMENT

2016 मध्ये एकनाथ खडसे हे राज्याचे महसूल मंत्री होते. त्यावेळी त्यांच्यावर पुण्यातील भोसरी येथे भूखंड खरेदीत गैरव्यवहार केल्याचा आरोप केला गेला. एकनाथ खडसे यांनी भोसरी येथील सर्व्हे क्रमांक 52/2 अ/ 2 मधील तीन एकरचा भूखंड त्यांची पत्नी मंदाकिनी खडसे आणि जावई गिरीश चौधरी यांच्या नावे हा खरेदी केला.

या भूखंडाचा व्यवहार 3 कोटी 75 लाख रूपयांना अकानी नावाच्या व्यक्तीकडून खरेदी केला. पण या भूखंडाचा सातबारा MIDC च्या नावावर होता. त्यामुळे खडसे यांनी पदाचा गैरवापर करून भूखंड खरेदी केल्याचा आरोप झाला. पुण्यातील बांधकाम व्यावसायिक हेमंत गावडे यांनी यासंदर्भात तक्रार केली होती. एप्रिल 2017 मध्ये ACB ने म्हणजेच लाचलुचपत प्रतिबंधक विभागाने एकनाथ खडसे, मंदाकिनी खडसे, गिरीश चौधरी आणि अकानी यांच्या विरोधात गुन्हा दाखल केला. चौकशीही सुरू केली. मात्र 2018 मध्ये त्यांना क्लिन चिट देण्यात आली. दरम्यान निवृत्त न्यायाधीशांमार्फत चौकशी करण्यासाठी झोटिंग समितीही नेमण्यात आली. या समितीमार्फत प्रकरणाची चौकशी झाली. त्यानंतर आता ईडीकडून चौकशी सुरू आहे. याआधीही एकनाथ खडसे यांची ईडीकडून चौकशी करण्यात आली आहे.

ADVERTISEMENT

    follow whatsapp

    ADVERTISEMENT