देवेंद्र फडणवीस सपत्नीक ‘शिवतीर्था’वर, राज ठाकरेंच्या भेटीचं कारण गुलदस्त्यात

मिळालेल्या माहितीनुसार, देवेंद्र फडणवीस यांनी सपत्नीक राज ठाकरेंच्या घरी जाऊन त्यांची भेट घेतली. सूत्रांच्या मते, ही भेट कौटुंबिक होती. नुकतंच राज ठाकरे हे ‘शिवतीर्थ’ या आपल्या नव्या घरात राहण्यासाठी गेले आहेत. काही दिवसांपूर्वीच त्यांनी आपल्या कुटुंबीयांसह गृहप्रवेश केला होता. तेव्हापासून अनेक सेलिब्रिटी आणि राजकीय नेते हे राज ठाकरेंची सदिच्छा भेट घेत आहेत.

दरम्यान, देवेंद्र फडणवीस यांनी जरी आज सदिच्छा भेट घेतली असली तरीही या भेटीत राजकीय चर्चा नक्कीच झाली असण्याची शक्यता आहे. त्यामुळे आता या भेटीनंतर राज्याच्या राजकारणात नेमकं काय घडणार हे पाहणं देखील महत्त्वाचं ठरणार आहे.