माजी न्यायमूर्ती पी. बी. सावंत यांचं निधन

पी. बी. सावंत यांचा अल्प परिचय

30 जून 1930 रोजी पी. बी सावंत यांचा जन्म झाला होता. त्यांनी कायद्याचं शिक्षण (LLB) मुंबई विद्यापीठातून घेतलं होतं. त्यानंतर त्यांनी सुरुवातीला मुंबई उच्च न्यायालय आणि सर्वोच्च न्यायालयात प्रॅक्टिस सुरु केली होती. साधारण 70 च्या दशकात त्यांची मुंबई उच्च न्यायालयात न्यायाधीश म्हणून नियुक्ती झाली होती. तेव्हापासून त्यांनी न्यायदानाचं काम केलं होतं. 1995 साली सर्वोच्च न्यायालयाने न्यायाधीश म्हणून ते निवृत्त झाले होते.

गेल्या काही वर्षांमध्ये ते सामाजिक कार्यामध्ये सक्रीय असल्याचे दिसून आले होते. मराठा समाजाच्या आरक्षणासाठी महाराष्ट्रात जे मूक मोर्चे काढण्यात आलं त्यावेळी पी. बी. सावंत यांनी या मोर्चांना आपला पाठिंबा देत आरक्षणाची मागणी देखील केली होती. तसंच ते त्यांनी असं मत देखील व्यक्ते केलेलं होतं की, मराठा समाजच्या वतीन जे मोर्चे काढले जात आहेत त्यामुळे एक विशाल क्रांती घडविण्यासाठी मदत होईल.

दरम्यान, पी. बी. सावंत यांच्या मृत्यूमुळे एका पुरोगामी विचारवंताला आणि कायदेतज्ज्ञाला महाराष्ट्र मुकला आहे.