आयआयटी मुंबईतून इंजिनिअरिंग, रिलायन्समध्ये नोकरी; कोण आहे गोरखनाथ मंदिराबाहेर हल्ला करणारी व्यक्ती

Gorakhpur Temple Attack : गोरखपूरमधील गोरखनाथ मंदिराबाहेर सुरक्षा रक्षकांवर हल्ला; हल्ला करणाऱ्या व्यक्तीची मानसिक स्थिती ठिक नसल्याची माहिती
आयआयटी मुंबईतून इंजिनिअरिंग, रिलायन्समध्ये नोकरी; कोण आहे गोरखनाथ मंदिराबाहेर हल्ला करणारी व्यक्ती

उत्तर प्रदेशातील गोरखपुर येथील गोरखनाथ मंदिरात सुरक्षेसाठी तैनात करण्यात आलेल्या पोलिसांवर हल्ला करण्यात आल्याची घटना आज घडली. आरोपी अहमद मुर्तजा अब्बासी याने गेटवर तैनात असलेल्या सुरक्षा कर्मचाऱ्यांवर धारदार शस्त्राने हल्ला केल्यानं खळबळ उडाली. दरम्यान, आरोपीबद्दल वेगवेगळ्या स्वरूपाची माहिती समोर येत आहे.

मिळालेल्या माहितीनुसार सुरक्षा रक्षकांवर हल्ला करणारा आरोपी अहमद मुर्तजा अब्बासी हा गोरखपूरमधीलच सिव्हील लाईन परिसरातील रहिवाशी आहे.

अहमद मुर्तजा अब्बासी यांने २०१५ मध्ये आयआयटी बॉम्बेमधून केमिकल इंजिनिअरिंगची पदवी घेतलेली आहे. आयआयटी मुंबईतून पदवी घेतल्यानंतर अहमद मुर्तजा अब्बासी याने दोन मोठ्या कंपन्यांमध्ये नोकरीही केली. २०१५ मध्ये इंजिनिंरिंगची पदवी घेतल्यानंतर अहमद मुर्तजा अब्बास याने रिलायन्स इंडस्ट्रीमध्ये काम केलं.

त्यानंतर त्याने एस्सार पेट्रोकेमिकल्समध्येही काम केलं. अहमद मुर्तजा अब्बासीच्या कुटुंबियांच्या म्हणण्याप्रमाणे त्याची मानसिक स्थिती ठिक नाही. २०१७ पासून त्याचं मानसिक संतुलन बिघडलेलं आहे.

अहमद मुर्तजा अब्बासी यांच्यावर अनेक डॉक्टरांकडून उपचार केले गेले आहेत. तो आधी मुंबईत वास्तव्याला होता. मागील काही वर्षांपासून त्यांचं मित्रांशी भेटणं-बोलणंही कमी झालं आहे. अहमद मुर्तजा अब्बासी याचे वडील मोहम्मद मुनीर यांनी अनेक फायनान्शिअल कंपन्यांमध्ये कायदा सल्लागार म्हणून काम केलेलं आहे. त्याचे काका गोरखपूरमधील मोठे डॉक्टर असून, अब्बासी हॉस्पिटलचे मालक आहेत.

आरोपी अहमद मुर्तजा अब्बासी याचं एकदा बोलणीदरम्यान लग्न मोडलं. त्यानंतर त्याचं दुसऱ्या मुलशी लग्न झालं, मात्र दुसरी मुलगी लग्नानंतर सोडून गेली. अहमद मुर्तजा अब्बासी याने अहमदाबादसह अनेक शहरातील डॉक्टरांकडे उपचार घेतले आहेत.

अहमद मुर्तजा अब्बासी यांचा हल्ला करतानाचा एक व्हिडीओ समोर आला आहे. ज्यात तो पोलिसांवर हल्ला करताना दिसत आहे. गोरखनाथ मंदिराच्या गेटवर असलेल्या सुरक्षा कर्मचाऱ्यांवर त्याने धारदार शस्त्राने हल्ला केला. अचानक झालेल्या हल्ल्यानंतर पोलीस दूर पळाले. त्यानंतर लोकांनी अहमद मुर्तजा अब्बासी याला पकडण्याचा प्रयत्न केला. त्यावेळी त्याने अल्लाह-हू-अकबरच्या घोषणा दिल्या.

Related Stories

No stories found.