गुजरात: भल्या पहाटे सुरतमध्ये जीवघेणी दुर्घटना, 6 कामगारांचा गुदमरून मृत्यू; 25 जणांची प्रकृती चिंताजनक

येथील प्रिंटिंग मिलमध्ये सकाळी झालेल्या दुर्घटनेनंतर संपूर्ण सूरतमध्ये खळबळ उडाली आहे. मिळालेल्या माहितीनुसार, एका मिलजवळील नाल्यात अज्ञात टँकरचालक विषारी रसायन टाकत होते. यादरम्यान त्यातून विषारी वायूची गळती सुरू झाली. त्यामुळे जवळच असलेल्या छपाई मिलचे कर्मचाऱ्यांना श्वसनास त्रास सुरु झाला आणि त्यात सहा कामगारांचा हकनाक बळी गेला. मिळालेल्या माहितीनुसार, मृतांचा आकडा वाढण्याची भीतीही व्यक्त केली जात आहे.

Gujarat: Six people died and 20 others were admitted to the civil hospital after gas leakage at a company in Sachin GIDC area of Surat early morning today, says hospital's In Charge Superintendent, Dr Omkar Chaudhary pic.twitter.com/HVnH9CZHYl

— ANI (@ANI) January 6, 2022

या घटनेची तात्काळ माहिती पोलिसांना देण्यात आली असून पोलीस घटनास्थळी पोहोचून आता या प्रकरणाचा तपास करत आहेत. तसेच या घटनेनंतर 25 हून अधिक कामगारांना तातडीने रुग्णालयात दाखल करण्यात आले आहे. वायू गळतीनंतर संपूर्ण परिसरात घबराट पसरली होती. प्राथमिक माहितीनुसार, वायू गळतीनंतर सहा जणांचा मृत्यू झाला आहे.

सोलापूर : ड्रेनेजमध्ये गुदमरुन ४ कामगारांचा मृत्यू, भाजप आमदाराच्या मुलासह ६ जणांना अटक

याआधी गुजरातमधील अहमदाबाद येथील एका कपड्याच्या कारखान्यात रासायनिक कचरा टाकी साफ करताना चार मजुरांचा मृत्यू झाला होता. अहमदाबादच्या ढोलका येथील चिरीपाल ग्रुपच्या विशाल फॅब्रिक युनिटमध्ये हा अपघात झाला होता. मात्र, त्या अपघातात गॅस गळती झाल्याचे समजू शकले नाही.

ड्रेनेजमध्ये गुदमरुन 4 कामगारांचा मृत्यू

काही दिवसांपूर्वी सोलापूरमध्ये ड्रेनेज चेंबरमध्ये अडकून चार कामगारांना श्वास गुदमरल्यामुळे आपले प्राण गमवावे लागले होते.

23 डिसेंबरला संध्याकाळी ड्रेनेज लाईन जोडण्यासाठी एक कामगार आतमध्ये उतरला होता. यादरम्यान गॅसगळतीमुळे तो बेशुद्ध झाला व आतमध्येच पडला. या कामगाराला वाचवण्यासाठी दुसरा कामगार आत गेला आणि तोही आतमध्येच पडला.

एकापाठोपाठ सहा जण आत मध्ये पडल्यामुळे तणावाचं वातावरण निर्माण झालं. यानंतर आत अडकलेल्या कामगारांना बाहेर काढण्यात आलं परंतू त्यापैकी 4 कामगारांचा श्वास गुदमरल्यामुळे मृत्यू झाला होता.

याप्रकरणी भाजप आमदार सुरेश खाडे यांचा मुलगा सुजीत याच्यासह संतोष दिलीप बडवे, महापालिकेतील कनिष्ठ अभियंता मोहम्मद हनीफ हबीब, अतुल विष्णुपंत भालेराव, व्रज कन्स्ट्रक्शन कंपनीचे संचालक केयूर भरतभाई पांचाल यांना अटक करण्यातत आली आहे.