Rain Update नागपूरमध्ये संततधार, येत्या 36 तासातही मुसळधार पावसाचा इशारा

नागपुरात आज दुपारपासून मुसळधार पाऊस सुरू असून शहरातील नरेंद्र नगर पुलाखाली पाणी साचले असून नरेंद्र नगर कडून छत्रपती नगर कडे जाणार हा पूल पाण्याखाली आल्याने बंद करण्यात आला असून पुलाच्या दुसऱ्या बाजूने वाहतूक वळवण्यात आलेली आहे.. हवामान खात्याने येत्या 36 तासात मुसळधार पावसाचा अंदाज वर्तविला आहे..नागपूर जिल्ह्यातील सावनेर तालुक्यातील कोलार नदीला आलेल्या पुरामुळे नदीकाठच्या परिसरातील काही नागरिकांना नगर परिषद शाळेत स्थलांतरित करण्यात आले असल्याची माहिती जिल्हा माहिती कार्यालय कडून मिळाली आहे.. सावनेर तालुक्यात आज संध्याकाळी 5 वाजेपर्यंत 148 मिमी पावसाची नोंद करण्यात आली आहे…

अमरावती जिल्ह्यातील अंजनगाव सुर्जी तालुक्यातील दहिगाव रेचे येथे आज सकाळी मुसळधार पाऊस झाल्याने गावाच्या बाजूला गरजधरी धरण ओहरफ्लो झाल्यामुळे धरणाची भिंत फुटली व संपूर्ण पाणी हे गावामध्ये शिरल्याने मोठ्या प्रमाणात नागरिकांच्या घरांचे नुकसान झाले आहे. तर काही नागरिकांची वाहने सुद्धा या पाण्यामध्ये वाहून गेले. अचानक आलेल्या पावसाने गावकऱ्यांमध्ये भीतीचे वातावरण निर्माण झाले आहे. सदर घटनेसंदर्भात प्रशासनाला माहिती देण्यात आलेली आहे. पुढील कारवाई सुरू आहे.