पोलीस भरती परीक्षेत हायटेक कॉपी, चाणाक्ष पोलिसांनी आवळल्या दोघांच्या मुसक्या

jalgaon hi tech copy in the police recruitment: हायटेक पद्धतीने पोलीस भरतीत कॉपी करणाऱ्या दोघांना जळगाव पोलिसांनी अटक केली आहे.
पोलीस भरती परीक्षेत हायटेक कॉपी, चाणाक्ष पोलिसांनी आवळल्या दोघांच्या मुसक्या
jalgaon hi tech copy in the police recruitment exam two caught by police

मनीष जोग, जळगाव

पोलीस भरतीसाठी घेण्यात आलेल्या लेखी परीक्षेत दोन बहाद्दरांनी कॉपी करण्याचा प्रयत्न केला. पण पोलिसांच्या चाणाक्ष नजरेने हेरल्यामुळे दोघेही रंगेहाथ सापडले आहेत. योगेश रामदास आव्हाड ( रा. पांझणदेव, पो. नागपूर, ता. नांदगाव, जि. नाशिक) व प्रतापसिंग गुलचंद बालोद (रा. वैजापूर, ता. औरंगाबाद) अशी कॉपी करणाऱ्या दोघांची नावे असून, त्यांच्यावर वेगवेगळ्या पोलीस ठाण्यात गुन्हा दाखल झाला आहे.

नॉर्थ महाराष्ट्र नॉलेज सिटी कॉलेज या परीक्षा केंद्रावर योगेश रामदास आव्हाड याने केंद्राच्या आवारातील सीसीटीव्ही व्हीडिओ कॅमेरे तसेच तपासणी करणाऱ्या पोलिसांची नजर चुकवून मोबाइल परीक्षा केंद्रात नेला होता.

प्रश्नपत्रिका मिळताच त्याने प्रश्नपत्रिकेचे फोटो काढून मित्राच्या मोबाइलवर पाठवले. त्यानंतर मित्राने प्रश्नांची उत्तरे आव्हाडला पाठवली. त्यानुसार आव्हाड प्रश्नपत्रिका सोडवत होता. हा प्रकार सहाय्यक पोलीस निरीक्षक देवरे यांच्या लक्षात आल्यानंतर त्यांनी परीक्षार्थी योगेश आव्हाड याला रंगेहाथ ताब्यात घेतलं आणि त्याच्यावर अटकेची कारवाई केली.

दुसरीकडे, विवेकानंद प्रतिष्ठानच्या इंग्लिश मीडियम स्कूलमध्ये प्रतापसिंग गुलचंद बालोद याने एटीएमच्या आकाराचे एक डिव्हाइस सोबत आणले होते. त्यात मेमरी कार्ड होते. ते ब्लूटूथने कनेक्ट करून स्पीकरमधून आवाज दिला होता. लहान आकाराचा स्पीकर त्याने कानात लपवला होता.

समोरून बोलणाऱ्या व्यक्तीचे नाव त्याला ऐकू येईल अशी व्यवस्था केली होती. प्रतापसिंग हा परीक्षा केंद्रावर आला तेव्हा त्याने बनियनमध्ये डिव्हाइस लपवले होते. पण परीक्षा केंद्राच्या आत जाण्याआधीच त्याचा हा प्रकार उघडकीस आला.

ठाण्यातील पोलीस भरतीत गैरप्रकार करणाऱ्यांना करण्यात आली होती अटक

दरम्यान, 27 सप्टेंबर रोजी झालेल्या ठाण्यातील पोलीस भरती प्रकरात असाच प्रकार झाल्याचं समोर आलं होतं. यावेळी पोलीस भरती परीक्षेदरम्यान फसवणूक आणि इतर गैरप्रकारांमध्ये सहभागी असलेल्या पाच जणांना पोलिसांनी अटक केली होती. 27 सप्टेंबर रोजी पोलीस चालक (Driver) भरतीसाठी ठाणे आणि शेजारील पालघर जिल्ह्यात लेखी परीक्षा घेण्यात आली होती. यावेळी ठाण्यातील बाळकूम परीक्षा केंद्रावर गैरप्रकार करणाऱ्या पाच जणांना अटक करण्यात आली होती.

अधिकाऱ्यांनी याबाबत अधिक माहिती देताना सांगितले होते की, ठाणे आयुक्तालयाच्या अंतर्गत या परीक्षा केंद्रांवर सुमारे 18,000 उमेदवार उपस्थित होते. याचवेळी शहरातील बाळकूम परिसरातील एका परीक्षा केंद्रावर पाच जण गैरप्रकार करताना आढळून आले होते.

jalgaon hi tech copy in the police recruitment exam two caught by police
झटपट श्रीमंतीचा हव्यास... पोहोचले थेट पोलीस ठाण्यात; डोंबिवलीतील घटना

या प्रकरणी ठाणे पोलिसांनी देवेंद्र बोरसे (धुळे), बापू गावडे (बारामती), अनिकेत पाटील (जळगाव), प्रफुल्ल मंडाले (पुणे) आणि मनोज पिंपरे (लातूर) या पाचही परीक्षार्थींविरोधात कलम 419 अंतर्गत गुन्हा दाखल केला. कापूरबावडी पोलिसांनी याप्रकरणी गुन्ह्याची नोंद करण्यात आलेली आहे.

बाळकूम येथील विद्या प्रसारक विद्यालयाच्या केंद्रावर पाच विद्यार्थी आपआपसात संगनमत करुन प्रश्नपत्रिकेंमध्ये सातत्याने बदल करत होते. ही गोष्ट जेव्हा तेथील पर्यवेक्षकांच्या लक्षात आली तेव्हा त्यांनी तात्काळ बंदोबस्तावरील पोलिसांना याबाबतची माहिती दिली. हे पाचही जण प्रश्नपत्रिकेवर खुणा करुन कॉपी करण्याचा प्रयत्न करत होते.

Related Stories

No stories found.