Janmashtami 2022 date : 18 की 19 ऑगस्ट... जन्माष्टमी नक्की कधी आहे?

Janmashtami 2022 date, muhurat : भगवान श्रीकृष्णाचा जन्म ज्या दिवशी झाला, तो दिवस जन्माष्टमी म्हणून साजरा केला जातो...
janmashtami 2022 date, shubh muhurat, rohini nakshatra
janmashtami 2022 date, shubh muhurat, rohini nakshatra

भाद्रपद महिन्यातील कृष्ण पक्षातील आठव्या तिथीला श्रीकृष्ण जन्माष्टमी साजरी केली जाते. पौराणिक माहितीनुसार भाद्रपद महिन्यातील कृष्ण पक्षातील आठव्या तिथीला दिवशी रोहिणी नक्षत्रात रात्री १२ वाजता भगवान श्रीकृष्णाचा वासुदेव आणि देवकीच्या पोटी श्रीकृष्णाचा जन्म झाला. श्रीकृष्णाच्या जन्मोत्सव भारतात जल्लोषपूर्ण वातावरणात साजरा केला जातो. पण, जन्माष्टमीच्या तारखेवरून यंदा अनेकांचा गोंधळ झाला आहे.

१८ ऑगस्ट की १९, जन्माष्टमी नक्की कधी?

भारतातील विविध भागांत पारंपरिक पद्धतीने जन्माष्टमी साजरी केली जाते. यंदा जन्माष्टमी १८ ऑगस्ट रोजी साजरी होत आहे. त्यामुळे देशभर श्रीकृष्ण भक्तीने वातावरण भारावून गेलं आहे.

जन्माष्टमीच्या तारखेवर लोकांमध्ये गोंधळ का झालाय?

यंदा जन्माष्टमी १८ ऑगस्ट रोजीच आहे, मात्र काही लोक असं म्हणताहेत की, जन्माष्टमी १९ ऑगस्ट रोजी आहे. जन्माष्टमीच्या तारखेवरून निर्माण झालेल्या गोंधळावर ज्योतिषाचार्य डॉ. विनोद यांनी सांगितलं की, 'यावर्षी जन्माष्टमीच्या तारखेवरून लोकांमध्ये संभ्रम निर्माण झाला आहे.'

'श्रीकृष्णाचा जन्म अष्टमी तिथीला रात्री १२ वाजता झाला होता. हा योग १८ ऑगस्ट रोजी जुळून येतोय. पण, काही लोकांचं असं मत आहे की, १९ ऑगस्ट रोजी पूर्ण दिन अष्टमी तिथी राहिल आणि याच तिथीला सूर्योदयही होईल. त्यामुळे जन्माष्टमी १९ ऑगस्ट रोजी साजरी केली जाईल.'

'असं असलं तरी धार्मिकदृष्टीने बघायचं झालं, तर श्रीकृष्णाचा जन्म अष्टमी तिथीला रात्री १२ वाजता झाला होता. त्यामुळे जन्माष्टमी उत्सव १८ ऑगस्ट रोजी साजरा केला जाईल', असं ज्योतिषाचार्य डॉ. विनोद यांनी सांगितलं.

रोहिणी नक्षत्रात जन्माष्टमी साजरा करता येणार नाही - ज्योतिषाचार्य

ज्योतिषाचार्य डॉ. विनोद यांनी जन्माष्टमी उत्सवाबद्दल सांगितलं की, 'श्रीकृष्णाचा जन्म भाद्रपदातील कृष्ण पक्षातील आठव्या तिथीला रोहिणी नक्षत्रात झाला होता. त्यामुळे रोहिणी नक्षत्राचं खूप महत्त्व आहे. मात्र, यंदा १८ आणि १९ ऑगस्ट अशा दोन्ही तारखांना रोहिणी नक्षत्राचा योग जुळून येत नाही. यंदा रोहिणी नक्षत्र २० ऑगस्ट रोजी सकाळी १ वाजून ५३ मिनिटांनी सुरू होईल आणि २१ ऑगस्ट २०२२ रोजी सकाळी ४ वाजून ४० मिनिटांनी संपेल. त्यामुळे यंदा रोहिणी नक्षत्राशिवाय जन्माष्टमी साजरी होणार आहे.

जन्माष्टमी तिथी आणि मुहूर्त (Janmashtami 2022 date and Muhurat)

ज्योतिषाचार्य डॉ. विनोद यांनी जन्माष्टमी तिथीबद्दल सांगितलं की, यंदा कृष्ण जन्माष्टमी १८ ऑगस्ट रोजी साजरी होत आहे. अष्टमी तिथी १८ ऑगस्ट रोजी रात्री ९ वाजून २० मिनिटांनी सुरू होईल आणि १९ ऑगस्ट रोजी १० वाजून ५९ मिनिटांनी संपेल. निशीथ पूजा १८ ऑगस्टच्या रात्री १२ वाजून ३ मिनिटांनी सुरू होऊन रात्री १२ वाजून ४७ मिनिटांपर्यंत राहिल. निशीथ पूजेसाठी ४४ मिनिटांचा कालावधी असेल.

श्रीकृष्ण जन्माष्टमी पूजा विधी (Janmashtami puja vidhi)

जन्माष्टमीचं व्रत अष्टमी तिथीला केलं जातं आणि नवमी तिथीला सोडलं जातं. जन्माष्टमीच्या दिवशी सकाळी पहाटे उठून स्नान करावं आणि स्वच्छ कपडे परिधान करावेत. त्यानंतर भगवान श्रीकृष्णाला पाण्याने आणि दूधाने स्नान घालावं आणि नवीन वस्त्र नेसवावीत व आसनावर बसवावं.

त्यानंतर श्रीकृष्णाला फळं, मिठाई आदींचा प्रसाद ठेवावा. त्यानंतर रात्री १२ वाजेनंतर भगवान श्रीकृष्णाची पूजा करावी आणि आरती करावी. १२ वाजेनंतर व्रत सोडावं. हा उपवास करताना जेवण केलं जात नाही. फलाहार करावा.

Related Stories

No stories found.
Mumbai Tak
www.mumbaitak.in