LIC IPO आलाय, पण त्यात गुंतवणूक कशी करायची?; पॉलिसीधारकांना किती सवलत?

How to apply for LIC IPO : एलआयसीचा आयपीओ खरेदी करण्याची संपूर्ण प्रक्रिया समजून घ्या...
LIC IPO आलाय, पण त्यात गुंतवणूक कशी करायची?; पॉलिसीधारकांना किती सवलत?

'जिंदगी के साथ भी, जिंदगी के बाद भी', असं म्हणत शहरांपासून गावखेड्यांपर्यंत पोहोचलेल्या एलआयसीचा आयपीओ आज लॉन्च झाला आहे. अनेक दिवसांपासून एलआयसी आयपीओची प्रतिक्षा होती. ९ मेपर्यंत तुम्हाला एलआयसीचा आयपीओ घेण्याची संधी आहे.

LIC चा IPO आज (४ मे) लॉन्च झाला आहे. भारतात फार अशी कमी कुटुंब आहेत, ज्यांच्याकडे LIC ची पॉलिसी नसेल. ४० लाख कोटी इतका पब्लिक मनी एलआयसीकडे आहे. ज्यांच्याकडे पॉलिसी आहे त्यांना LIC च्या IPO मध्ये सुवर्णसंधी आहे. कारण त्यांच्यासाठी खास सवलत दिली जाणार आहे. यासाठी त्याची प्रक्रिया समजून घेणं महत्त्वाचं आहे.

एलआयसी जगातील पाचवी कंपनी

१९५६ मध्ये भारत सरकारने विमा व्यवसायाचं राष्ट्रियीकरण केलं. त्याचवेळी देशातील सर्व आयुर्विमा कंपन्या ज्या साधारण २४५ च्या घरात होत्या, त्या सगळ्यांना एकत्र करुन एलआयसीची निर्मिती करण्यात आली. त्यानुसार LIC चे सर्व शेअर्स सरकारकडे होते. आज जगाचा विचार केला तर LIC ही जगातली पाचवी आयुर्विमा कंपनी आहे. LIC मधला फक्त ३.५ टक्के ते ५ टक्के इतकाच वाटा विकण्याची विशेष परवानगी सरकारला SEBI कडून मिळालेली आहे. त्यानुसार केंद्र सरकार केवळ ३.५ टक्केच शेअर विकणार आहे. म्हणजेच २२ हजार कोटींचे शेअर्स विकणार आहे. यामधून २१ हजार कोटी रुपये केंद्राच्या तिजोरीत जमा होणं अपेक्षित आहे.

या आयपीओसाठी तुम्ही अप्लाय कसं करणार? पॉलिसीधारकांना काय विशेष सवलत आहे?

LIC चा IPO आज (४ मे) लॉन्च झाला आहे आणि ९ मेपर्यंत घेता येणार आहे. १७ मे रोजी लिस्टिंग होणार. एका शेअरची किंमत ९०२ ते ९४९ आहे. गुंतवणूकदाराला किमान १५ शेअर्ससाठी तरी बोली लावायची आहे, म्हणजे साधारण १४ ते १५ हजारांचा खर्च असणार आहे.

कोण किती अप्लाय करू शकतं? तर याच्यासाठी 3 कॅटेगरी आहेत.

१) कर्मचारी

२) रिटेलर इन्वेस्टर

३) पॉलिसी होल्डर्स

प्रत्येक कॅटेगरीमध्ये २ लाखांची सीमा आहे. पण तुम्हाला त्याच्याहून जास्त गुंतवायचे असतील, तर तुम्ही २ लाख रिटेल इन्वेस्टमधून आणि उरलेले २ लाख दुसऱ्या कॅटेगरीत तुम्ही पात्र असाल, तर त्यातूनही अर्ज करू शकता. म्हणजेच तुम्ही सगळ्या कॅटेगरीतून अर्ज करू शकत असाल, तर तुम्ही एकूण ६ लाखांपर्यंत तुम्ही गुंतवणूक करू शकता.

पॉलिसी असणाऱ्यांना काय फायदा?

एलआयसी पॉलिसीधारकांना ६० रूपयापर्यंत सवलत आहे. कर्मचाऱ्यांना ४५ रूपयांपर्यंत सवलत आहे.

LIC साठी अर्ज कसा करायचं?

तुमच्या नेट बँकिंग अकाऊंटवर लॉग ईन करा. इन्व्हेस्टमेंट (Investment) सेक्शनवर जाऊन आयपीओ (IPO)/ई आयपीओ (e-IPO) हा पर्याय निवडा. नंतर बँक अकाऊंटची माहिती भरायची आहे. ही माहिती भरल्यानंतर पडताळणीची (व्हेरिफिकेशन) प्रक्रिया सुरू होईल.

माहितीची पडताळणी झाल्यानंतर गुंतवणूकदारांनी इन्व्हेस्ट इन आयपीओ (Invest in IPO) हा पर्याय निवडा. त्यानंतर तुम्हाला योग्य तो आयपीओ निवडा. किती शेअर्स हवेत आहेत, ती माहिती भरा (ही प्रक्रिया करताना अटी आणि शर्थी समजून घ्या). सर्व झाल्यानंतर कन्फर्म या पर्यायावर क्लिक करा.

शेअर बाजारातील नोंदणीचा फायदा काय?

एलआयसीच्या नावाला वेगळेच वजन प्राप्त होईल. गुंतवणूकदारांना समभागांची खरेदी विक्री करता येईल किंवा दीर्घकालीन गुंतवणूक म्हणून जवळ बाळगता येतील. एलआयसी अधिक पारदर्शक बनेल आणि गैरव्यवस्थापनासाठी समभागधारकांना उत्तर द्यायला कंपनी बांधील असेल. नोंदणीकृत कंपनीसाठी असलेल्या शेअर बाजारांच्या तसेच सेबीच्या मार्गदर्शक तत्त्वांचं पालन कंपनीला करावं लागेल.

Related Stories

No stories found.
Mumbai Tak
www.mumbaitak.in