MNS-BJP: 'मनसेसोबत युतीचा कोणताही प्रस्ताव नाही', पाहा प्रविण दरेकर नेमकं काय म्हणाले

MNS-BJP: 'मनसेसोबत युतीचा कोणताही प्रस्ताव नाही', पाहा प्रविण दरेकर नेमकं काय म्हणाले

मुंबई: राज्यात लवकरच अनेक महापालिकांच्या निवडणुका होणार आहेत. अशावेळी राज्यातील महाविकास आघाडीला धक्का देण्यासाठी भाजप मनसेला सोबत घेण्याची शक्यता सातत्याने वर्तवली जात आहे. मात्र, अशी चर्चा असली तरी तसा कोणाताही प्रस्ताव मनसेला देण्यात आलेला नाही अशी माहिती विधानपरिषदेचे विरोधी पक्षनेते प्रविण दरेकर यांनी दिली आहे.

पत्रकारांशी संवाद साधताना त्यांना प्रविण दरेकर यांनी स्पष्ट केलं की, 'मनसेसोबत युतीचा कोणताही प्रस्ताव नाही. मात्र याबाबत निर्णय भाजपचे वरिष्ठ नेते घेतील.'

त्यामुळे आगामी काळात मनसेसोबत युती होणार की नाही हे पाहणं गरजेचं आहे. कारण मनसे आणि भाजपची महापालिका निवडणुकीत युती झालीच तर मात्र, महापालिका निवडणुकीत शिवसेनेला अधिक फटका बसण्याची शक्यता आहे. यामुळेच भाजप मनसेला आपल्या साथीला घेणार का? हे पाहणं महत्त्वाचं ठरणार आहे.

भाजप-मनसेच्या युतीचा नारळ फुटला!

एकीकडे भाजपकडून युतीचा प्रस्ताव नाही असं म्हटलं जात असलं तरीही आता स्थानिक पातळीवर भाजप-मनसेचं समीकरणं जुळू लागलं आहे. कारण काही दिवसांपूर्वीच पालघर जिल्हा परिषद आणि पंचायत समितीच्या पोटनिवडणुकीसाठी भाजप आणि मनसेची युती झाली आहे.

वाडा तालुक्यातील तीन जागांसाठी भाजप आणि मनसे एकत्र आले आहेत. मनसे आणि भाजप एकत्र आले असून वाडा तालुक्यातील सापने गण मनसे लढवणार आहे तर मांडा , पालसई , मोज या तीन जिल्हा परिषद जागा भाजप लढवणार आहे . त्यामुळे भाजप मनसे युती ही सध्या तरी वाडा तालुक्यापुरती झाली असल्याचं दिसतं आहे.

पुण्यातल्या मनसेच्या काही पदाधिकाऱ्यांनी ही मागणी केली आहे की, आपण भाजपसोबत गेलं पाहिजे. आता राज ठाकरे याबाबत काय निर्णय घेतात ते पाहणं महत्त्वाचं ठरणार आहे.

खरंतर भाजप आणि मनसेची युती होणार का? हे सगळं मॉडेल महापालिका निवडणुकीतही ठरवलं जाणार का? तेही पाहणं महत्त्वाचं ठरणार आहे.

MNS-BJP: 'मनसेसोबत युतीचा कोणताही प्रस्ताव नाही', पाहा प्रविण दरेकर नेमकं काय म्हणाले
BJP-MNS युती होणार का? फडणवीस म्हणतात दोन्ही पक्षांमध्ये हिंदुत्त्वाचा धागा समान पण...

महाविकास आघाडी सरकार स्थापन झाल्यापासूनच शिवसेनेला टक्कर देण्यासाठी भाजपला एका चांगल्या पर्यायाची गरज आहे. तसंच मनसेलाही आपली लढाई जोमाने लढायची आहे त्या अनुषंगाने हे दोन पक्ष एकत्र येऊ शकतात. पालघरचा फॉर्म्युला महापालिका निवडणुकीच्या वेळी वापरला जाईल का? तसा तो झाला तर महाराष्ट्र विधानसभा निवडणुकीसाठीही तो कायम राहिल का हे पाहणं महत्त्वाचं ठरणार आहे. तसं झाल्यास मनसेचा राजकीयदृष्ट्या बराच फायदा होऊ शकतो.

Related Stories

No stories found.
Mumbai Tak
www.mumbaitak.in