नवनीत राणा आणि रवी राणा या दोघांनाही मुंबईत जाऊ देणार नाही. अमरावती स्टेशनवर येऊन दाखवा असा इशारा शिवसैनिकांनी दिला होता. मात्र गनिमी कावा करत नवनीत राणा आणि रवी राणा विमानाने मुंबईत दाखल झाले आहेत. मुंबईत ते गुपचूप आले आहेत. ते दोघेही कुठे उतरलेत ते समजू शकलेलं नाही. पण शिवसैनिकांनी मुंबईत ठिकठिकाणी झाडाझडती सुरू केली आहे.
मातोश्रीसमोर हनुमाना चालीसा पठण करणार असल्याचं आव्हान नवनीत राणा आणि रवी राणा या दोघांनीही दिलं आहे. त्यासाठीच ते दोघं मुंबईत दाखल झाले आहेत. अशात शिवसैनिक मोठ्या संख्येने मातोश्रीबाहेर जमले आहेत.
आमदार रवी राणा आणि खासदार नवनीत राणा या दोघांनाही रोखण्यासाठी आज संध्याकाळपासूनच बडनेरा स्टेशनच्या बाहेर जमणार होते. तसंच सोशल मीडियाद्वारे रेल्वे स्थानकावर उपस्थित राहण्याचं आवाहनही करण्यात आलं होतं.
मुंबईतल्या नंदगिरी या गेस्ट हाऊसमध्ये रवी राणा आणि नवनीत राणा यांच्या नावाने बुकिंग आहे. मात्र या गेस्ट हाऊसमध्ये राणा दाम्पत्य आलेलं नाही असं गेस्ट हाऊसच्या मॅनेजरने सांगितलं आहे. नंदगिरी या गेस्ट हाऊसबाहेरही शिवसैनिकांनी गर्दी केली आहे. काहीही झालं तरीही राणा दाम्पत्याला मातोश्रीपर्यंत पोहचू देणार नाही असा इशारा शिवसैनिकांनी दिला आहे.
नवनीत आणि रवी राणा दोघंही मुंबईत आल्याने मातोश्री या मुख्यमंत्र्यांच्या खासगी निवासस्थानाबाहेरची आणि वर्षा या शासकीय निवासस्थानाबाहेरची सुरक्षा वाढवली आहे. पोलिसांचा मोठा फौजफाटा या ठिकाणी तैनात करण्यात आला आहे. राष्ट्रवादी काँग्रेसचे अध्यक्ष शरद पवार यांच्या सिल्वर ओक या निवासस्थानाबाहेरची सुरक्षाही वाढवण्यात आली आहे.
रवी राणा यांचं काय म्हणणं आहे?
उद्धव ठाकरे हे महाराष्ट्राचे मुख्यमंत्री झाल्यापासून महाराष्ट्रातली संकटं वाढली आहेत. मुख्यमंत्री बाहेर पडत नाही. संकटांमधून बाहेर पडण्यासाठीच त्यांनी हनुमान चालीसा वाचावी असं वक्तव्य आमदार रवी राणा यांनी केलं आहे. अमरावती ते मातोश्री अशी वारी श्रद्धेने करणार आहोत असंही त्यांनी सांगितलं होतं.
२३ एप्रिलला म्हणजेच उद्या रवी राणा नवनीत राणा हे दोघे मुंबईतल्या मातोश्रीसमोर हनुमान चालीसा पठण करणार आहेत. त्याधी हनुमान जयंतीच्या दिवशी हनुमान चालीसा वाचणार असल्याचं आवाहन रवी राणा आणि नवनीत राणा यांनी केलं होतं. त्यावेळी शिसवैनिकांची मातोश्रीबाहेर तुफान गर्दी झाली होती. आ
