क्रौर्याचा कळस! लग्नाला नकार दिल्याने तरूणीवर बलात्कार, मुंडकं धडावेगळं करत केली हत्या

जाहिर जफर असं या नराधमाचं नाव आहे. ही घटना पाकिस्तानातल्या इस्लामाबादमध्ये घडली आहे. पाकिस्तानच्या एका ट्रेडिंग कंपनीत त्याचे वडील संचालक म्हणून काम पाहतात. पाकिस्तानात या जाहिर जफरचं कुटुंब अत्यंत श्रीमंत कुटुंबापैकी एक मानलं जातं. या नराधमाने एका तरूणीवर तिच्या घरात बलात्कार केला. या तरूणीने जाहिर जाफरला लग्नाला नकार दिला होता त्यामुळे त्याने हे क्रूर कृत्य केलं. 27 वर्षीय तरूणीचं नाव नूर मुकद्दम होतं. २० जुलै २०२१ ला जाहिरने तिच्यावर बलात्कार केला आणि तिची हत्या केली.

आईवर बलात्कार करणाऱ्या नराधम मुलाला नागपूर जिल्हा सत्र न्यायालयाने सुनावली जन्मठेप

या प्रकरणी जाहीर जफरला अटक करण्यात आली होती. त्यानंतर त्याला फाशीची शिक्षा सुनावली जावी यासाठी आंदोलनही करण्यात आलं होतं. या प्रकरणात जाहीरच्या दोन सुरक्षा रक्षकांना 10 वर्षांच्या तुरुंगवासाची शिक्षा सुनावण्यात आली आहे. जाहीरच्या आई वडिलांना या प्रकरणात क्लिन चिट मिळाली आहे.