शिवसैनिकांना स्वबळाच्या तयारीचे आदेश, अजित पवारांना सूचक इशारा; संजय राऊत म्हणतात…

कार्यकर्ता मेळाव्यात बोलताना संजय राऊत म्हणाले,’ ‘संजय राऊत म्हणाले,’ पालकमंत्री आपले नाहीत. महाराष्ट्रात आपली सत्ता असली, तरी या भागात आपलं कुणी ऐकत नाहीत, असं म्हणतात. असं कसं काय होईल. असं होता कामा नये. महाराष्ट्रात मुख्यमंत्री शिवसेनेचा आहे. अजितदादा सुद्धा मुख्यमंत्र्यांचं ऐकतात. आपण त्यांना सांगू. दादा ऐकलं तर बरं होईल. नाहीतर आज दिल्ली गेले आहेत.’

‘माझं पूर्ण ऐका. चुकीचं लिहू नका. मुख्यमंत्री दिल्लीचा अंदाज घ्यायला गेले आहेत. कारण उद्या आम्हाला दिल्लीवर सुद्धा राज्य करायचं आहे. आपल्या हळूहळू दिल्लीत पोहोचायचं आहे. त्यामुळे साऊथ ब्लॉक. पंतप्रधान कुठे बसतात. गृहमंत्र्यांचं कार्यालय कुठे आहे. या सगळ्यांचा अंदाज घेण्यासाठी उद्धव ठाकरे आज दिल्लीत गेले आहेत’, असं राऊत म्हणाले.

‘आपण अजितदादांसोबत बसू आणि सांगू की आपल्याला एकत्र काम करायचं आहे. त्यामुळे आमच्या लोकांचं ऐकून घ्यावं. आमच्या लोकांना नाराज करू नका. नाहीतर गडबड होईल’, असा सूचक इशाराही राऊतांनी यावेळी दिला.