कृषी बिलावरुन तोमर यांना पवारांचे उत्तर... - Mumbai Tak - sharad pawar confronts narendra tomar over farm bill - MumbaiTAK
बातम्या

कृषी बिलावरुन तोमर यांना पवारांचे उत्तर…

दिल्लीत सुरु असलेल्या शेतकरी आंदोलनाने आता नवे वळण घेतले आहे. दिल्लीतल्या लाल किल्ल्यावरील आंदोलनाने हिंसक वळण घेतल्यानंतर केंद्र सरकारने आक्रमक होत पोलीस कारवाईचा बडगा उगारला आहे. या घटनाक्रमानंतर केंद्रीय कृषी मंत्री नरेंद्र सिंह तोमर यांनी थेट शरद पवारांवर निशाणा साधत पवार हे देशातल्या शेतकऱ्यांची दिशाभूल करत आहेत असा आरोप केला आहे. तोमर यांनी ट्विटमध्ये म्हटले […]

दिल्लीत सुरु असलेल्या शेतकरी आंदोलनाने आता नवे वळण घेतले आहे. दिल्लीतल्या लाल किल्ल्यावरील आंदोलनाने हिंसक वळण घेतल्यानंतर केंद्र सरकारने आक्रमक होत पोलीस कारवाईचा बडगा उगारला आहे.

या घटनाक्रमानंतर केंद्रीय कृषी मंत्री नरेंद्र सिंह तोमर यांनी थेट शरद पवारांवर निशाणा साधत पवार हे देशातल्या शेतकऱ्यांची दिशाभूल करत आहेत असा आरोप केला आहे.

तोमर यांनी ट्विटमध्ये म्हटले आहे की, कृषी कायद्यांमुळे बाजार समित्या किंवा मंडई व्यवस्था दुबळी होईल, अशी टीका शरद पवारांनी केली आहे.

कृषी कायद्यांमुळे शेतकऱ्यांना आपला शेतमाल केवळ राज्यातच नव्हे; तर राज्याबाहेर विकण्यासाठी अनेक पर्याय उपलब्ध झाले आहेत. नव्या कायद्यांत आहेत तशाच कृषी सुधारणा करण्याचा शरद पवार यांनी याआधी जोरकस प्रयत्न केला होता, असेही तोमर म्हणाले होते.

केंद्रीय कृषीमंत्री नरेंद्रसिंह तोमर यांच्या टीकेवर पवारांनी सडेतोड उत्तर दिलं आहे.

‘चूक काय आणि बरोबर काय यावर प्रदीर्घ काळ चर्चा होऊ शकते पण सत्य समोर यायला हवं. ते समोर आणणं हे कृषीमंत्र्यांचं काम आहे,’ असं आव्हानच शरद पवार यांनी दिलं आहे.

नरेंद्रसिंह तोमर यांचे मुद्दे खोडून काढताना ‘मूळ स्वरूपाच्या कायद्यांमध्ये शेतकऱ्यांना त्यांच्या पिकांना योग्य हमीभाव देण्याचे कोणतेही अभिवचन दिले गेले नव्हते. केवळ शेतकरी आंदोलनानंतर त्यात एमएसपीचा संदर्भ आणला गेला.

तसेच केंद्रीय कृषिमंत्री श्री. नरेंद्र सिंह तोमर आता सांगत आहेत की नवीन कायद्यातील तरतुदींचा वर्तमान एमएसपी प्रणालीवर अजिबात परिणाम होणार नाही. नवीन कायद्यानुसार शेतकरी आपला माल बाजार समितीच्या बाहेर विकू शकतात, परंतु त्यात खासगी खरेदीदारांकडून खरेदी प्रक्रियेत शेतकऱ्यांना हमीभावाचे संरक्षण दिलेले नाही. आंदोलनकर्त्या शेतकर्‍यांचं हे सुरुवातीपासूनच म्हणणं होतं.

शरद पवारांना शेतकरी आंदोलनावर याआधी सुध्दा लक्ष करण्यात आलं होतं. आत्ता केंद्र सरकारने जे शेती सुधारणा कायदे केले आहेत त्याच स्वरुपाचे कायदे पवारांनी याआधी केले होते असा पवारांवर सातत्याने आरोप केला जात होता या साऱ्या मुद्दांवर पवारांनी पलटवार करत आज स्पष्टीकरण दिलं आहे.

Leave a Reply

Your email address will not be published. Required fields are marked *

10 − 6 =

Vicky Kaushal वर सचिन तेंडुलकर इम्प्रेस; कारण… Alcohol चा रिकाम्या पोटी कसा होतो परिणाम? ‘या’ 5 गोष्टी खाऊन चुटकीसरशी घटवा Belly Fat! दिया मिर्झा ‘या’ एका गोष्टीने करते दिवसाची सुरूवात, जाणून घ्या Fitness रूटीन! Weight Gain करायचंय? फक्त ‘ही’ एक गोष्ट खा, सप्लीमेंटची पडणार नाही गरज! ‘सुशांत सिंह राजपूत ओव्हर सेंसिटिव्ह…’, मुकेश छाबरांनी असं काय सांगितलं? ‘दुआओ मे याद रखना’, स्टार कोरिओग्राफर अडकला लग्नबंधनात! PHOTOS Kiara Advani च्या हॉट-टोन्ड फिगरचं खास सीक्रेट, कशी राहते एवढी Fit? Shehnaaz ने शेतात केली मस्ती; Viral फोटो पाहून चाहतेही झाले खुश! Wine पाण्यासोबत का घेत नाहीत? Almond : गरजेपेक्षा जास्त बदाम खाताय! ‘हे’ दुष्परिणाम माहिती आहेत का? तुम्हाला तर ‘या’ सवयी नाहीत ना? असतील तर वाढेल तुमचं Belly Fat! Virat Kohli : ग्लॅमरस फुटबॉलर विराट कोहलीवर फिदा, कोण आहे ‘ती’? मलायकानंतर गर्लफ्रेंडने साथ सोडली, अरबाजच्या ब्रेकअपची चर्चा ‘या’ गोष्टी नियमित फॉलो केल्यात तर Weight Loss ची 100% गॅरंटी! अभिनेत्रीचा कमाल Fitness, घेते खास डाएट प्लान! Water Fastion पद्धतीने खरंच चुटकीसरशी होईल Weight Loss? Places to visit: भारतातच पण कमी बजेटमध्ये ‘या’ सुंदर ठिकाणांना नक्की भेट द्या! PM Modi कोणता फोन वापरतात? फोटो Viral रणदीप हुडाने मैतेई धार्मिक पद्धतीने का केलं लग्न? सांगितली फॅमिली प्लानिंग