Tahawwur Rana : 26/11 हल्ल्यातील दोषी तहव्वुर राणाला भारतात आणणार, संजय राऊत म्हणाले दाऊद...

अमेरिकेच्या सर्वोच्च न्यायालयानं मुंबई हल्ल्यातील दोषी तहव्वुर राणाचं भारतात प्रत्यार्पण करण्यासाठी मान्यता दिली आहे. या प्रकरणात त्याच्या शिक्षेविरुद्धची पुनर्विचार याचिका न्यायालयानं फेटाळली आहे. पाकिस्तानी वंशाचा कॅनेडियन उद्योगपती तहव्वुर राणा याच्यावर 2008 मध्ये भारतातील मुंबईवरील दहशतवादी हल्ल्यात महत्त्वाची भूमिका बजावल्याचा आरोप आहे. भारताने अमेरिकन सुरक्षा यंत्रणांना याबद्दलची माहिती दिली होती.  त्यानंतर हे प्रकरण अमेरिकेच्या सर्वोच्च न्यायालयासमोर ठेवण्यात आलं होतं. भारताने दिलेले पुरावे न्यायालयाने स्वीकारले. भारताने दिलेल्या कागदपत्रात 26/11 हल्ल्यातील तहव्वुरची भूमिका नमूद करण्यात आली होती.