मृत्यूचं तांडव… विरारमध्ये कोव्हिड हॉस्पिटलच्या ICU वॉर्डला आग, 13 रुग्णांचा होरपळून मृत्यू

मुंबई: राज्यात एकीकडे कोरोनाने (Corona) रुग्ण दगावत असताना दुसरीकडे प्रशासन किंवा रुग्णालयांच्या हलगर्जीपणामुळे देखील काही निष्पाप लोकांना जीव गमवावा लागत असल्याचं मागील काही दिवसांपासून पाहायला मिळत आहे. नाशिकमधील ऑक्सिजन गळतीमुळे 22 रुग्णांना जीव गमवावा लागल्याची घटना ताजी असतानाचा आता आणखी एक धक्कादायक घटना समोर आली आहे. आज (23 एप्रिल) पहाटे मुंबईजवळील विरारमधील (Virar) एका रुग्णालयातील अतिदक्षता विभागात अचानक आग लागली. (ICU Fire) ही आग एवढी भीषण होती की, त्यात तब्बल 13 रुग्णांचा होरपळून मृत्यू (13 Patients Death) झाला आहे.