उस्मानाबाद : मुसळधार पावसात अजितदादा जेव्हा गार्ड ऑफ ऑनर नाकारतात

उस्मानाबादमध्ये सध्या जोरदार पाऊस सुरु आहे. अजित पवारांचा दौरा असल्यामुळे जिल्हाधिकारी कार्यालयाने गार्ड ऑफ ऑनरची तयारी केली होती. परंतू भर पावसाच पोलीस अधिकारी फक्त गार्ड ऑफ ऑनरसाठी भिजत उभे असल्याचं पाहून अजित दादांनी हा गार्ड ऑफ ऑनर नाकारला. नेहमी आपल्या रोखठोक शैलीमुळे चर्चेत असलेल्या अजित पवारांच्या या वेगळ्या रुपाची आज सर्वत्र चर्चा होताना दिसत आहे.

दरम्यान आज झालेल्या बैठकीत दोन्ही जिल्ह्यांतील स्थानिक लोकप्रतिनीधी हजर होते. कोरोना परिस्थिती नियंत्रणात आणण्यापासून खरीपाच्या पेरणीबद्दल अजित पवारांनी या बैठकीत चर्चा केली. कोरोना काळात जर कुठेही नियमबाह्र गोष्टी झाल्या असतील, कोणाला गरजेपेक्षा जास्त बील आकारली असतील तर ती परत करण्याचे आदेश जिल्हाधिकाऱ्यांना या बैठकीत देण्यात आल्याचं अजित पवारांनी सांगितलं. यावेळी नागरिकांनी नियम पाळले नाही तर तिसरी लाट जुलै महिन्यातच येईल असं म्हणत अजित पवारांनी सर्वांना नियमांचं पालन करण्याचं आवाहन केलंय.