Andheri east by poll : अंधेरी पूर्वची जागा एकनाथ शिंदेंनी भाजपला का सोडली? ही आहेत 3 कारणं
बंडखोरीनंतर शिंदे गटाकडून शिवसेना, शिवसैनिक, धनुष्यबाणावर दावा ठोकला जातोय. गर्दी जमवून माईंडगेम खेळले जात आहेत. आणि हे सगळं सुरू असतानाच ठाकरे आणि शिंदेंचा खरा कस लागणार आहे, तो अंधेरी पूर्व विधानसभा पोटनिवडणुकीत! रमेश लटके यांच्या मृत्यूनंतर या ठिकाणी निवडणूक होणार आहे. ठाकरे आणि शिंदेंना ताकद दाखवण्याची पहिल्यांदाच संधी मिळणार आहे. पण भाजपच्या एंट्रींनं शिंदेंची मोठी […]
ADVERTISEMENT
बंडखोरीनंतर शिंदे गटाकडून शिवसेना, शिवसैनिक, धनुष्यबाणावर दावा ठोकला जातोय. गर्दी जमवून माईंडगेम खेळले जात आहेत. आणि हे सगळं सुरू असतानाच ठाकरे आणि शिंदेंचा खरा कस लागणार आहे, तो अंधेरी पूर्व विधानसभा पोटनिवडणुकीत! रमेश लटके यांच्या मृत्यूनंतर या ठिकाणी निवडणूक होणार आहे.
ठाकरे आणि शिंदेंना ताकद दाखवण्याची पहिल्यांदाच संधी मिळणार आहे. पण भाजपच्या एंट्रींनं शिंदेंची मोठी गोची झाल्याचं दिसतंय. अंधेरी पूर्व मतदारसंघातून भाजप आपला उमेदवार देणार आहेत. त्यामुळेच शिंदे गटानं ठाकरेंसोबतच पंगा घेण्याची पहिलीच संधी सोडून दिला का, आणि संधी सोडली असेल तर का? असे प्रश्न यानिमित्ताने उपस्थित होताहेत.
अंधेरी पूर्व पोटनिवडणुकीचा कार्यक्रम जाहीर झालाय. ३ नोव्हेंबरला मतदान, तर ७ नोव्हेंबरला मतमोजणी म्हणजेच निकाल जाहीर होणार आहे. शिवसेना आमदार रमेश लटके यांच्या अकाली निधनामुळे ही पोटनिवडणूक होतेय. शिवसेनेचा या जागेवर दावा आहे. दुसरीकडे शिंदे-ठाकरे दोघांनीही आम्हीच खरी शिवसेना असल्याचा दावा केलाय. ठाकरेंनी तर अंधेरीत रमेश लटकेंच्या पत्नी ऋतुजा लटकेंना तिकीटही दिलीय.
2019 मध्ये भाजप-शिवसेना युतीत ही जागा शिवसेनेला सुटली होती. त्यामुळे शिंदे-भाजप युतीमध्येही ही जागा शिंदे गटाला सुटणं अपेक्षित आहे. आणि शिंदेंही निवडणूक रिंगणात उमेदवार उतरवतील, असं म्हटलं जातं होतं. पण ठाकरेंविरुद्धच्या पहिल्याच सामन्यातून एकनाथ शिंदेंनी माघार घेतल्याचं बोललं जातंय. कारण, भाजपनं इथून निवडणूक लढवण्याची निव्वळ तयारीच नाही, तर पक्षाचं अधिकृत प्रचार कार्यालयही सुरू केलंय. आणि शिंदे गटानं निवडणूक लढवण्याबद्दल भाष्य न करता मौन बाळगणंच पसंत केल्याचं दिसतंय. त्यामुळेच भाजपच्या अधिकृत एंट्रीची आता केवळ अधिकृत घोषणाच होणं बाकी आहे.
हे वाचलं का?
