Anjali Damania : "धनंजय मुंडेंचा राजीनामा...", अजित पवार यांच्या भेटीनंतर दमानिया काय म्हणाल्या?

अंजली दमानिया म्हणाल्या, आमची 25 ते 30 मिनिट भेट झाली. बीडमधली घटना माणुसकीला धरून नाही, हे त्यांनी मान्य केलं. धनंजय मुंडे, वाल्मिक कराड आणि त्यांच्या पत्नीचे आर्थिक व्यवहार असल्याचे पुरावे मी दाखवले. ते 'ऑफिस ऑफ प्रॉफिट' कसे आहेत, हे गृह मंत्रालयाच्या 102 (a) आणि 129 या कलमानुसार हे दाखवून दिले. असं दमानिया म्हणाल्या.

हे ही वाचा >>Chhaava: 'संभाजी महाराजांपेक्षा काहीही मोठं नाही', राज ठाकरेंची भेट घेतली अन् दिग्दर्शक...

अंजली दमानिया यांनी असंही सांगितलं की, उद्या अजित पवार मुख्यमंत्र्यांच्या बैठकीत या कागदपत्रांवर चर्चा करणार आहेत. अशा निर्घृण कृत्यांना थारा देऊ नका अशी मागणी मी त्यांच्याकडे केल्याचं दमानिया यांनी सांगितलं आहे. त्यावर मुख्यमंत्र्यांशी चर्चा करून योग्य तो निर्णय घेऊ असं आश्वासन दिलं असंही दमानिया म्हणाल्या.

 

हे ही वाचा >>Baba Siddique: 'हत्येच्या दिवशी वडिलांनी डायरीत BJP नेत्याचे नाव लिहिलेलं...', झिशान सिद्दीकींचा पोलिसात जबाब

दरम्यान, फक्त राजीनामा घेऊन भागणार नाही, तर हा गुन्हा आहे. यामध्ये धनंजय मुंडे यांची आमदारकी सुद्धा जाऊ शकते असं मला स्पष्ट दिसत असल्याचं दमानिया यांनी सांगितलं आहे. अंजली दमानिया यांनी काल ट्विट करत अजित पवार यांच्याकडे भेटीसाठी वेळ मागितला होता.