नवनीत राणा आणि रवी राणांविरोधात कोर्टाचं वॉरंट, हनुमान चालीसा प्रकरण भोवणार?

मुंबईतल्या विशेष न्यायालयाने राणा दाम्पत्याच्या विरोधात बेलेबल वॉरंट म्हणजेच जामीनपात्र वॉरंट लागू केलं आहे. विशेष न्यायमूर्ती आर. एन. रोकडे यांनी हे वॉरंट लागू केलं आहे. नवनीत राणा आणि रवी राणा हे दोघंही कोर्टापुढे हजर राहात नसल्याने कोर्टाने हा निर्णय घेतला आहे.

सरकारी वकील सुमेश पंजवानी यांनी सांगितले की, जामीनपात्र वॉरंट 5,000 रुपयांचे आहे. याचा अर्थ दोघांना न्यायालयासमोर हजर राहावे लागेल आणि वॉरंट रद्द होऊ शकेल. यासाठी त्यांना अटक केली जाणार नाही आणि आरोपी न्यायालयात यावेत, यासाठी न्यायालयाने दिलेला इशारा आहे.

राणा दाम्पत्याविरोधात हा खटला भारतीय दंड संहिता (IPC) च्या कलम 353 (लोकसेवकाला त्याच्या कर्तव्यापासून परावृत्त करण्यासाठी प्राणघातक हल्ला किंवा गुन्हेगारी शक्ती) आणि 34 (सामान्य हेतू) अंतर्गत खार पोलिस ठाण्यात नोंदवण्यात आला आहे. 23 एप्रिल रोजी महाराष्ट्राचे माजी मुख्यमंत्री उद्धव ठाकरे यांच्या निवासस्थानाबाहेर हनुमान चालीसाचे पठण करणार असल्याच्या घोषणेनंतर त्यांच्या खार निवासस्थानी गेलेल्या पोलिस कर्मचार्‍यांना अटक करण्यास आणि त्यांना अडथळा आणत असल्याचा आरोप या दोघांनी केला होता.

खासदार नवनीत राणा आणि आमदार रवी राणा यांनी माजी मुख्यमंत्री उद्धव ठाकरे यांच्या ‘मातोश्री’ निवासस्थानासमोर हनुमान चालिसा पठण केली होती. या आंदोलनानंतर त्यांच्यावर गुन्हा दाखल झाला. खार ठाण्यात गुन्हा आणि अटकेनंतर राणा दाम्पत्याची जामिनावर सुटका झाली.

मुंबई पोलिसांनी त्यांच्यावर आरोपपत्रही दाखल केले होते. दोघे बोरिवली दंडाधिकाऱ्यांसमोर हजर झाले होते कोर्टाने जामीन मंजूर केला होता. आयपीसीचे कलम 353 हा गंभीर गुन्हा मानला जात असल्याने आणि सत्र ट्रायबल आहे. त्यामुळे दोषारोपपत्र दाखल झाल्यानंतर हे प्रकरण सत्र न्यायालयात वर्ग करण्यात आले

राणा दाम्पत्याला 1 ऑक्टोबर रोजी सत्र न्यायालयात हजर होण्यास सांगितलं गेलं होतं, मात्र ते हजर झाले नाहीत. दुसऱ्या सुनावणीच्या दिवशी म्हणजे ११ नोव्हेंबरलाही दोघे हजर झाले नाहीत. अशाप्रकारे, गुरुवारी ते पुन्हा हजर झाले नाहीत तेव्हा न्यायालयाने जामीनपात्र वॉरंट जारी केले असून, पुढील तारखेला, १४ डिसेंबर रोजी दोघे हजर झाले नाहीत, तर त्यांच्याविरुद्ध अजामीनपात्र वॉरंट जारी करण्यात येईल.