कर्नाटकात पुन्हा तणाव! बजरंग दलाच्या कार्यकर्त्यांची हत्या; दगडफेक, जाळपोळीचा भडका
हिजाबच्या मुद्द्यावरून कर्नाटकातील तापलेलं वातावरण शांत होत असल्याचं दिसत असतानाच पुन्हा एकदा हिंसेचा भडका उडाला आहे. कर्नाटकातील शिवमोगामध्ये एका २३ वर्षीय बजरंग दलाच्या कार्यकर्त्याची हत्या करण्यात आली आहे. आरोपींनी धारदार शस्त्राने प्राणघातक हल्ला केला. या घटनेनंतर शिवमोगात दगडफेक आणि जाळपोळ करण्यात आली. हिंसेचा भडका उडाल्यानं शहरात कलम १४४ लागू करण्यात आलं आहे. हिजाबमुळे परिस्थिती तणावपूर्ण […]
ADVERTISEMENT
हिजाबच्या मुद्द्यावरून कर्नाटकातील तापलेलं वातावरण शांत होत असल्याचं दिसत असतानाच पुन्हा एकदा हिंसेचा भडका उडाला आहे. कर्नाटकातील शिवमोगामध्ये एका २३ वर्षीय बजरंग दलाच्या कार्यकर्त्याची हत्या करण्यात आली आहे. आरोपींनी धारदार शस्त्राने प्राणघातक हल्ला केला. या घटनेनंतर शिवमोगात दगडफेक आणि जाळपोळ करण्यात आली. हिंसेचा भडका उडाल्यानं शहरात कलम १४४ लागू करण्यात आलं आहे.
हिजाबमुळे परिस्थिती तणावपूर्ण असतानाच कर्नाटकातील शिवमोगामध्ये एका बजरंग दलाच्या कार्यकर्त्याची हत्या करण्यात आली. हर्षा असं हत्या करण्यात आलेल्या तरुणाचं नाव आहे. मिळालेल्या माहितीनुसार रविवारी (२० फेब्रुवारी) रात्री ही घटना घडली. शहरातील भारती कॉलनीमध्ये काही अज्ञात लोकांनी बजरंग दलाचा कार्यकर्ता असलेल्या हर्षावर चाकू हल्ला केला.
या प्राणघातक हल्ल्यात हर्षा गंभीर जखमी झाला. त्याला काही जणांनी रुग्णालयात दाखल केलं, पण डॉक्टरांनी तपासणी करून त्याला मृत घोषित केलं. हत्येचं वृत्त परिसरात आणि शहरात पसरल्यानंतर तणावपूर्ण वातावरण निर्माण झालं आहे.
