LPG सिलिंडरच्या किंमतीत वाढ, २५० रूपयांनी वाढले दर

सुमारे चार महिन्यांच्या कालावधीनंतर पेट्रोल-डिझेलच्या दरात वाढ करण्यात आली. तर, घरगुती एलपीजी गॅस सिलेंडरच्या दरही आजवर दरम्यान स्थिर होते. पाच राज्यांच्या विधानसभा निवडणूक निकालानंतर इंधन दरवाढीचा भडका उडाला आहे. घरगुती एलपीजी गॅस सिलेंडरच्या दरात २२ मार्चला ५० रुपयांनी दरवाढ करण्यात आली होती. देशातील अनेक शहरांमध्ये एलपीजी गॅसचे दर ९५० रूपयांच्या घरात पोहचले. तर, पाटणात सिलिंडर १ हजार रूपये झाला आहे.

मुंबईत १९ किलोंचा व्यावसायिक वापराचा सिलिंडर आता २२०५ रूपये झाला आहे. आजची वाढ होण्याआधीचा दर १९५५ रूपये होता. दिल्लीत कमर्शिअल गॅस सिलिंडरची किंमत २२५३ रूपये झाली आहे. १ मार्च हा दर २०१२ रूपये होता. २२ मार्चला जेव्हा या दरात घसरण झाली तेव्हा किंमत २००३ रूपयांवर पोहचली होती.

मुंबईमध्ये १४.२ किलोग्रॅमच्या घरगुती गॅस सिलिंडरचे दर ९४९.५० रुपये आहे. तर दिल्ली, कोलकाता आणि चेन्नईमध्ये दर अनुक्रमे ९४९ रुपये, ९७६ रुपये आणि ९६६ रुपये प्रति सिलिंडर आहे. बिहारची राजधानी पाटणामध्ये १४.२ किलोग्रॅमच्या एलपीजी गॅस सिलेंडरची किंमत एक हजाराहून जास्त आहे.