Govt Bank Vacancy: सरकारी बँकेत नोकरीची सुवर्णसंधी; जाणून घ्या, कसा भरायचा अर्ज?
IDBI बँकेत जूनियर असिस्टंट मैनेजर (JAM) पदासाठी 676 रिक्त जागांसाठी भरती जाहीर करण्यात आली आहे. या भरतीसाठी अर्ज करण्याची प्रक्रिया 8 मे पासून सुरू झाली आहे.
ADVERTISEMENT
बातम्या हायलाइट
सरकारी बँकेत नोकरीची सुवर्णसंधी
IDBI बँकेत बऱ्याच रिक्त जागांसाठी भरती
जाणून घ्या, अर्जाची प्रक्रिया आणि संपूर्ण माहिती
Govt Bank Vacancy: सरकारी बँकेत नोकरी मिळवण्यासाठी बरेच तरुण प्रयत्नशील असतात. अशा विद्यार्थ्यांसाठी एक आनंदाची बातमी समोर आली आहे. IDBI बँकेत जूनियर असिस्टंट मैनेजर (JAM) पदासाठी 676 रिक्त जागांसाठी भरती जाहीर करण्यात आली आहे. या भरतीसाठी अर्ज करण्याची प्रक्रिया 8 मे पासून सुरू झाली आहे.
या पदासाठी इच्छुक उमेदवार www.idbibank.in या अधिकृत वेबसाइटवर ऑनलाइन पद्धतीने फॉर्म भरू शकतात. यासाठी अर्ज करण्याची शेवटची तारीख 20 मे 2025 आहे.
पात्रता
जूनियर असिस्टंट मैनेजर (JAM) पदासाठी परीक्षार्थीकडे कोणत्याही मान्यताप्राप्त यूनिव्हर्सिटीमधून पदवीधर म्हणजेच ग्रॅज्यूएशनची डिग्री असणं आवश्यक आहे. यासोबतच उमेदवाराचं किमान वय 20 वर्षे आणि कमाल वय 25 वर्षे असणं अनिवार्य आहे. राखीव प्रवर्गात येणाऱ्या उमेदवारांना नियमांनुसार उच्च वयात सूट दिली जाईल. वयाची गणना 1 मे 2025 तारखेला लक्षात घेऊन केली जाईल.
हे ही वाचा: पैसा-पाणी: भारत-पाक तणाव, शेअर बाजाराचं काय होईल?
अर्ज करण्याची प्रक्रिया
1. अर्ज करण्यासाठी सर्वप्रथम https://ibpsonline.ibps.in/idbiamapr25/ या अधिकृत वेबसाइटला भेट द्या.
2. यानंतर 'Click here for New Registration' वर क्लिक करा.
3. त्यावर क्लिक केल्यानंतर त्यात विचारण्यात आलेली सर्व माहिती भरा.
4. रजिस्ट्रेशन झाल्यानंतर त्यातील अन्य डिटेल्स भरून अर्जाची प्रक्रिया पूर्ण करा.
5. यानंतर तुमची सही आणि फोटोग्राफ अपलोड करा.
6. तुमच्या जात प्रवर्गानुसार अर्जाचे शुल्क भरा.
7. शेवटी अर्ज सबमिट करून त्याची प्रिंटआउट काढून सुरक्षितरित्या ठेवा.
अप्लाय करण्यासाठी फी
या भरतीसाठी अर्ज केल्यानंतर जनरल (Open), ओबीसी (OBC) आणि ईडब्ल्यूएस (EWS) प्रवर्गातील उमेदवारांना 1050 रुपये शुल्क भरावे लागेल आणि एससी (SC)/एसटी (ST)/पीडब्ल्यूडी (PWD) प्रवरगातील उमेदवारांना फक्त 250 रुपये शुल्क भरावे लागेल. अर्जाचे शुल्क ऑनलाइन पद्धतीने जमा करता येईल.
हे ही वाचा: MBBS चे 3 विद्यार्थी सोबतच नदीत बुडून दगावले... चंद्रपूरमध्ये घडलेली घटना नेमकी काय?
कधी होणार भरती?
या भरतीसाठी परीक्षा 8 जून 2025 रोजी होणार असल्याची शक्यता वर्तवली जात आहे. परीक्षेला बसण्यासाठी अर्जदारांचे प्रवेशपत्र परीक्षेच्या काही दिवस आधी बँकेच्या अधिकृत वेबसाइटवर उपलब्ध करून दिले जातील.
हे वाचलं का?
