फडणवीसांकडून आणखी एक गौप्यस्फोट, यावेळेस थेट मुख्यमंत्री ठाकरेंवर गंभीर आरोप

मुंबई: विरोधी पक्षनेते देवेंद्र फडणवीस (Devendra Fadnavis) यांनी आज (23 मार्च) एका नव्या प्रकरणावरुन ठाकरे सरकारवर खळबळजनक आरोप केले आहेत. यावेळी फडणवीसांनी थेट मुख्यमंत्री उद्धव ठाकरे यांच्यावर देखील गंभीर आरोप केले आहेत. ‘राज्यातील आयपीएस अधिकाऱ्यांच्या पोस्टिंगसाठी मोठ्या प्रमाणात देवाणघेवाण झाली आहे. याबाबत मुख्यमंत्री उद्धव ठाकरे यांनी कोणतीही कारवाई न करता प्रकरणावर पांघरुण घातलं. त्यामुळे आता या प्रकरणी मी केंद्रीय गृह सचिवांची भेट घेऊन थेट सीबीआय चौकशीची मागणी करणार आहे.’ असं म्हणत फडणवीस यांनी राज्य सरकारला एका नव्या मुद्द्यावरुन घेरण्याचा जोरदार प्रयत्न केला आहे. (Devendra Fadnavis Serious allegations against Thackeray government in phone tapping case)