नागपूर : कोरोनाग्रस्त महिलेचा मृत्यू, पती आणि नातेवाईकांकडून हॉस्पिटलची तोडफोड

पोलिसांनी दिलेल्या माहितीनुसार, या महिलेवर हॉस्पिटलमध्ये उपचार सुरु होते. परंतू महिलेचा मृत्यू झाल्यानंतर पती आणि नातेवाईकांनी हॉस्पिटल प्रशासनावर बेजबाबदारपणाचा आरोप लावत गोंधळ घालायला सुरुवात केली. मृतदेह ताब्यात देण्यासाठी हॉस्पिटल प्रशासन दीड लाख मागत असल्याचा आरोप नातेवाईकांनी केला. यावेळी वातावरण गंभीर झालेलं असताना नातेवाईकांनी रुग्णालयात तोडफोड करायला सुरुवात केली, ज्यात हॉस्पिटलमधील दरवाजे, खुर्च्या यांची तोडफोड करण्यात आली. रिसेप्शनवर पेट्रोल टाकून नातेवाईकांनी आग लावल्यामुळे इथे तणावाचं वातावरण निर्माण झालं.

दरम्यान पाचपावली पोलीस ठाण्याच्या अधिकाऱ्यांना या घटनेची माहिती मिळताच त्यांनी घटनास्थळावर पोहचून ताबडतोक परिस्थितीवर नियंत्रण मिळवलं. या हॉस्पिटलमध्ये ७१ रुग्ण उपचार घेत आहेत, त्यामुळे आगीवर योग्य वेळी नियंत्रण मिळवण्यात आल्यामुळे मोठा अनर्थ टळल्याचं बोललं जातंय. दरम्यान हॉस्पिटलमध्ये तोडफोड करणाऱ्या नातेवाईकांविरोधात पोलिसांनी गुन्हा दाखल केला असून पुढील तपास सुरु आहे.

मनसे पदाधिकाऱ्याची हत्या करणाऱ्या आरोपीला उत्तर प्रदेशातून अटक