“राष्ट्रवादीच्या डोक्यातून ‘जात’ अजिबात जात नाही”, शरद पवारांचा उल्लेख, मनसे नेत्यांचं टीकास्त्र
छत्रपती शिवाजी महाराज आणि मावळ्यांच्या आयुष्यावर आधारित चित्रपट वादात सापडले आहेत. छत्रपती संभाजीराजे यांनी या चित्रपटांबद्दल आक्रमक भूमिका घेतल्यानंतर हा वाद वाढताना दिसतोय. राष्ट्रवादी काँग्रेसचे आमदार जितेंद्र आव्हाड यांनी हर हर महादेव चित्रपटाचा शो बंद पाडला. त्यानंतर मनसेनं राष्ट्रवादी काँग्रेसवर टीकास्त्र डागलंय. छत्रपती संभाजीराजे भोसले यांनी ‘हर हर महादेव’ आणि ‘वेडात मराठे वीर दौडले सात’ […]
ADVERTISEMENT
छत्रपती शिवाजी महाराज आणि मावळ्यांच्या आयुष्यावर आधारित चित्रपट वादात सापडले आहेत. छत्रपती संभाजीराजे यांनी या चित्रपटांबद्दल आक्रमक भूमिका घेतल्यानंतर हा वाद वाढताना दिसतोय. राष्ट्रवादी काँग्रेसचे आमदार जितेंद्र आव्हाड यांनी हर हर महादेव चित्रपटाचा शो बंद पाडला. त्यानंतर मनसेनं राष्ट्रवादी काँग्रेसवर टीकास्त्र डागलंय.
छत्रपती संभाजीराजे भोसले यांनी ‘हर हर महादेव’ आणि ‘वेडात मराठे वीर दौडले सात’ चित्रपटांचा उल्लेख करत छत्रपती शिवाजी महाराज आणि त्यांच्या मावळ्यांच्या आयुष्यावर आधारित चित्रपटात सिनेमॅटिक लिबर्टीच्या नावाखाली ऐतिहासिक तथ्याशी छेडछाड केली जात असल्याचा मुद्दा उपस्थित केला. छत्रपती संभाजीराजेंच्या भूमिकेला राष्ट्रवादी काँग्रेसनंही पाठिंबा दिला. इतकंच नाही, तर राष्ट्रवादी काँग्रेस रस्त्यावर उतरल्याचंही दिसलं.
राष्ट्रवादी काँग्रेसचे नेते आणि माजी गृहनिर्माण मंत्री जितेंद्र आव्हाड यांनी बाबासाहेब पुरंदरे यांच्यावर टीका केली. त्यानंतर रात्री ठाण्यातील विवियाना मॉलमधील चित्रपटगृहात सुरू असलेला हर हर महादेव चित्रपटाचा शो बंद केला. यावेळी राष्ट्रवादी काँग्रेस आणि मनसेचे नेते जितेंद्र आव्हाड आणि मनसेचे अविनाश जाधव, तसेच दोन्ही पक्षांचे कार्यकर्ते समोरासमोर आल्याचं दिसलं.
‘हर हर महादेव’ चित्रपटावरुन राष्ट्रवादी-मनसे भिडले : ठाण्याच्या मॉलमध्ये तुफान राडा
हे वाचलं का?
