चंद्रपूर : कबड्डी सामन्यादरम्यान प्रेक्षक गॅलरी कोसळली, २० जणं जखमी

कबड्डीच्या पहिल्या सामन्यादरम्यान रात्री ९ वाजल्याच्या दरम्यान मैदानाच प्रेक्षकांची तुडुंब गर्दी होती. याचदरम्यान मैदानाच्या एका भागातली प्रेक्षक गॅलरी कोसळली. या घटनेमुळे उपस्थित प्रेक्षकांमध्ये चेंगराचेंगरीही झाली. परंतू यात कोणत्याही प्रकारची जिवीतहानी झालेली नसल्याचं समजतंय.

चंद्रपुरात कबड्डी सामन्या दरम्यान प्रेक्षक गॅलरी कोसळली, 20 लोक जखमी.#ViralVideo #Chandrapur pic.twitter.com/flb9wYdpvf

— Mumbai Tak (@mumbaitak) December 5, 2021

या अपघातात २० जण जखमी झाले असून यात एका लहान बालकाचाही समावेश असल्याचं कळतंय. यातील ७ जणांची प्रकृती गंभीर असून त्यांच्यावर चंद्रपूरच्या जिल्हा सामान्य रुग्णालयात उपचार सुरु आहेत. दरम्यान खासदार धानोरकर यांनी आयोजित केलेल्या या स्पर्धेवर आता प्रश्नचिन्ह निर्माण होत आहे. राज्यात ओमिक्रॉन व्हेरिएंटचा धोका असतानाही मोठ्या प्रमाणात गर्दी या ठिकाणी जमवण्यात आली. ज्यात कोणत्याही पद्धतीने सोशल डिस्टन्सिंगचं पालन झालेलं दिसलं नाही.