आर्यन खानवर समीर वानखेडेंनी कारवाई केल्यानंतर पत्नी क्रांती रेडकरची प्रतिक्रिया, म्हणाली….

काय म्हणाली क्रांती रेडकर?

मी समीर वानखेडे यांची पत्नी आहे याचा मला खूप अभिमान वाटतो. त्यांनी ज्या धडाडीने कारवाई केली त्याचं मला कौतुक वाटतं. समीर हे खूप मेहनती आहेत त्यांनी यापूर्वीही अशी अनेक हाय प्रोफाईल प्रकरणं हाताळली आहेत. हे प्रकरण आता थेट बॉलिवूडशी संबंधित आहे त्यामुळे चर्चा जास्त प्रमाणात होते आहे असंही क्रांतीने म्हटलं आहे. ई टाइम्सला दिलेल्या मुलाखतीत क्रांतीने हे वक्तव्य केलं आहे.

आर्यन खानच्या अटकेनंतर NCB चे ‘सिंघम’ समीर वानखेडे पुन्हा चर्चेत, प्रसिद्ध मराठी अभिनेत्रीशी आहे खास नातं

आणखी काय म्हणाली क्रांती?

जेव्हा समीर एखादे प्रकरण हाताळत असतात तेव्हा मी त्यांना त्यांचा पूर्ण वेळ देते. मी कधीच त्यांना काय सुरु आहे किंवा कसे सुरु आहे असे प्रश्न विचारत नाही. मी घरातील सर्व गोष्टींकडे लक्ष देत असते, जेणे करुन त्यांना त्यांच्या कामाकडे लक्ष देता येईल. कधीकधी समीर कामात इतके व्यग्र असतात की मोजून दोन तास झोप घेतात. कामासंबंधी फोन सुरु असताना मी कधीही त्यांना कोणते प्रश्न विचारत नाही. ते त्यांच्या सिक्रेट ऑपरेशनवर काम करत असतात. कुटुंबीयांना ते कधीच याबाबत माहिती देत नाहीत. मी त्यांच्या कामाचा आदर करते आणि याबाबत कधीच तक्रार करत नाही.

Shah Rukh Khan Son: EXCLUSIVE: NCB चे अधिकारी अचानक आर्यन खान समोर आले, अन्…

कोण आहेत समीर वानखेडे?

महाराष्ट्राचे रहिवासी असलेले समीर वानखेडे २००८ च्या बॅचचे IRS ऑफिसर आहेत. प्रशासकीय सेवेत लागू झाल्यानंतर समीर वानखेडेंची पहिली पोस्टींग मुंबई आंतरराष्ट्रीय विमानतळावर डेप्युटी कस्टम कमिशनर म्हणून झाली होती. यानंतर आपल्या कामात दाखवलेल्या प्रावीण्यामुळे समीर वानखेडे यांना आंध्र प्रदेश आणि दिल्लीला पाठवण्यात आलं. अमली पदार्थविरोधी प्रकरणांमध्ये तपासात समीर वानखेडे यांचा विशेष हातखंडा मानला जातो.

समीर वानखेडेंच्या नेतृत्वाखालीच गेल्या दोन वर्षांत १७ हजार कोटींच्या अमली पदार्थ तस्करीचं रॅकेट उध्वस्त केलं आहे. मागच्या वर्षातच वानखेडे यांनी DRI मधून NCB मध्ये बदली करण्यात आली आहे.

मीच इथला बॉस आहे !

वानखेडे यांनी एका मुलाखतीत एअरपोर्टवर बॉलिवूड स्टार्सच्या नखऱ्यांबद्दल सांगितलं होतं. विमानतळावर बॉलिवूड स्टार्स आपल्या सहायक्कांकडून सामान उचलवून घेतात. परदेशातून जास्त सामान घेऊन येण्यापासून कोणती अडचण येऊ नये यासाठी सेलिब्रेटी असं करतात असं वानखेडे म्हणाले होते. वानखेडे यांनी या नियमांत बदल करत प्रत्येकाने आपलं सामान स्वतः उचलायचं असं जाहीर केलं. यानंतर अनेक सेलिब्रेटींनी मला आम्ही तुमच्या बॉसकडे तक्रार करु अशी धमकीही दिली पण ज्यावेळी मी त्यांना सांगितलं की मीच इथला बॉस आहे त्यावेळी त्यांना नियम पाळण्याशिवाय पर्याय नव्हता.