शिंदे गटातील आमदाराच्या बहिणीचा संताप; राष्ट्रवादीच्या कार्यकर्त्यावर हात उचलण्याचा प्रयत्न

ग्रामपंचायत निवडणुकांच्या प्रचाराचा काल (शुक्रवार) शेवटचा दिवस असल्यानं मोठ्या प्रमाणात गावोगावी राजकीय वातावरण तापलेले पहायला मिळालं. सातारा जिल्ह्यातही ३१९ ग्रामपंचायत निवडणुकांचा कार्यक्रम घोषित करण्यात आला आहे. या निवडणुकीदरम्यान जिल्ह्यात प्रामुख्याने बाळासाहेबांची शिवसेना विरुद्ध राष्ट्रवादी असा सामना रंगला आहे.

कोरेगावचे शिंदे गटाचे आमदार महेश शिंदे विरुद्ध राष्ट्रवादी काँग्रेसचे आमदार शशिकांत शिंदे यांचे कार्यकर्ते भिडल्याची गोष्ट ताजी असतानाच आता आमदार महेश शिंदे यांची बहिण डॉ. अरुणा बर्गे विरुद्ध राष्ट्रवादीचे कार्यकर्ते एकमेकांत भिडल्याची बातमी येत आहे.

अरुणा बर्गे या क्षेत्र माहुली ग्रामपंचायत निवडणुकीतील प्रचार संपल्यानंतर विरोधात बोलणाऱ्या राष्ट्रवादीच्या एका कार्यकर्त्याला कानाखाली लगावण्याचा प्रयत्न करत असल्याचा एक व्हिडीओ सध्या व्हायरल होतं आहे. या वेळी जमावानेही गोंधळ घालायला सुरुवात केल्यान काही वेळ तणावाचं वातावरण निर्माण झालं होतं.