नितीश कुमार आठव्यांदा होणार बिहारचे मुख्यमंत्री, कसा आहे २२ वर्षांचा प्रवास?

बिहारचे मुख्यमंत्री नितीश कुमार यांनी भाजपसोबत काडीमोड घेत राजीनामा दिला. त्यानंतर आता आज नितीश कुमार राजद आणि काँग्रेस तसंच मित्रपक्षांच्या पाठिंब्यावर पुन्हा एकदा बिहारचे मुख्यमंत्री म्हणून शपथ घेणार आहेत. बिहारचे मुख्यमंत्री म्हणून नितीश कुमार आठव्यांदा शपथ घेतील. बिहारमध्ये युती, आघाडीचे प्रयोग झाले. मात्र तो प्रयोग टिकला नाही, नितीश कुमार मात्र टिकले. १ मार्च २००० या दिवशी नितीश कुमार यांनी पहिल्यांदा मुख्यमंत्री म्हणून शपथ घेतली होती.