एका दिवसात विठ्ठल बदलला?.. गुवाहटीला पोचताच गुलाबराव पाटील एकनाथ शिंदेच्या पाया पडले!
मुंबई: शिवसेना नेते एकनाथ शिंदे यांनी प्रचंड मोठं बंड करुन शिवसेनेला मुळापासून हादरवून टाकलं आहे. थोडे-थोडके नव्हे तर 35 हून अधिक आमदार एकनाथ शिंदे यांनी फोडले आहेत. मात्र, आता एक अशी घटना समोर आली आहे की, ज्यामुळे शिवसैनिकांच्याही भुवया उंचावल्या आहेत. शिवसेनेने अनेक सामान्य कार्यकर्त्यांना मंत्रिपदापर्यंत पोहचवलं आहे. सत्तेतील अनेक मोठी पदं दिलं आहेत. अशापैकीच […]
ADVERTISEMENT
मुंबई: शिवसेना नेते एकनाथ शिंदे यांनी प्रचंड मोठं बंड करुन शिवसेनेला मुळापासून हादरवून टाकलं आहे. थोडे-थोडके नव्हे तर 35 हून अधिक आमदार एकनाथ शिंदे यांनी फोडले आहेत. मात्र, आता एक अशी घटना समोर आली आहे की, ज्यामुळे शिवसैनिकांच्याही भुवया उंचावल्या आहेत.
शिवसेनेने अनेक सामान्य कार्यकर्त्यांना मंत्रिपदापर्यंत पोहचवलं आहे. सत्तेतील अनेक मोठी पदं दिलं आहेत. अशापैकीच जळगावचे शिवसेनेचे फायर ब्रँड नेते आणि सध्या कॅबिनेट मंत्री असलेले गुलाबराव पाटील.
गुलाबराव पाटील यांची खरी ओळख म्हणजे कट्टर शिवसैनिक अशी आहे. अगदी सामान्य शिवसैनिक असलेले गुलाबराव पाटील यांना दोन्ही टर्ममध्ये उद्धव ठाकरे यांनी मंत्री केलं होतं. त्यामुळे गुलाबराव पाटील हे उद्धव ठाकरेंचे खंदे समर्थक असल्याचं बोललं जात होतं. मात्र याच गुलाबराव पाटलांनी एका दिवसात आपला ‘विठ्ठल’ बदलल्याचं चित्र पाहायला मिळालं.
गुलाबरावांनी एका दिवसात विठ्ठल बदलला?
