Heeraben Modi : पंतप्रधान नरेंद्र मोदींना मातृशोक, हिराबेन यांचं निधन

पंतप्रधान मोदी यांच्या आई हिराबेन मोदी यांना श्वास घेण्यास त्रास होत असल्यानं मंगळवारी रुग्णालयात दाखल करण्यात आलं होतं. हिराबेन मोदी यांना कफचा त्रासही होत होता. त्यामुळे त्यांच्यावर अहमदाबादमधील यूएन मेहता रुग्णालयात उपचार सुरू होते.

हिराबेन मोदी यांच्या एमआरआय आणि सिटीस्कॅन करण्यात आला होता. गुरूवारी रुग्णालयाकडून हिराबेन मोदी यांचं हेल्थ बुलेटिन जारी करण्यात आलं होतं. ज्यात रुग्णालयाने हिराबेन मोदी यांच्या प्रकृतीत सुधारणा होत असल्याचं म्हटलं होतं. दरम्यान, शुक्रवारी पहाटे उपचार सुरू असताना हिराबेन मोदी यांची प्राणज्योत मालवली.