Jayant Patil : पुढची पिढी राजकारणात; प्रतिक पाटलांचं वडिलांच्या पावलावर पाऊल

इस्लामपूर : राष्ट्रवादीचे प्रदेशाध्यक्ष जयंत पाटील यांचा मुलगा प्रतिक पाटील यांची राजकारणात अधिकृत एन्ट्री झाली आहे. प्रतीक पाटील यांची राजाराम बापू पाटील सहकारी साखर कारखान्याच्या संचालकपदी बिनविरोध निवड झाली आहे. संचालक मंडळात कोणाकोणाची वर्णी लावायची याचा निर्णय जयंत पाटील यांच्याच हातात होता. यातूनच प्रतिक पाटील यांनी आयुष्यातील पहिल्याच निवडणुकीत बिनविरोध बाजी मारली आहे. (Prateek Patil has been elected unopposed as the Director of Rajaram Bapu Patil Cooperative Sugar Factory)

कोण आहेत प्रतिक पाटील?

प्रतीक पाटील हे जयंत पाटील यांचे द्वितीय चिरंजीव आहेत. त्यांनी आपलं शिक्षण लंडनमधून पूर्ण केलं आहे. त्यांनी इंजिनीअरिंगमध्ये एमएस केले आहे. २०१४ पासूनच त्यांनी वाळवा-इस्लामपूर मतदारसंघात लक्ष्य द्यायला सुरुवात केली आहे. आता कारखाना निवडणुकीच्या निमित्ताने त्यांची राजकारणात अधिकृत एन्ट्री झाल्याची चर्चा आहे.

Pune : जगताप यांच्या बायकोला तिकीट, मग टिळकांच्या घराला भाजपनं का नाकारलं?