Rishi Sunak : पंतप्रधान होताच सुनक लागले कामाला : मंत्र्यांना राजीनाम्याचे आदेश

Rishi Sunak appointed the new British PM by King Charles III

(Photo source: Conservatives) pic.twitter.com/On2i1vYd3o

— ANI (@ANI) October 25, 2022

ऋषी सुनक यांनी लिझ ट्रस यांच्या जुन्या मंत्रिमंडळातील व्यापार सचिव जेकब रीज-मॉग, न्याय खात्याचे सचिव ब्रॅन्डन लिवाइज आणि विकास मंत्री विकी फोर्ड यांना राजीनाम्याचे आदेश दिले आहेत. तर जुन्या मंत्रिमंडळातील जेरेमी हंट हे सुनक यांच्या मंत्रिमंडळात अर्थमंत्रीपदी दिसणार असल्याची शक्यता वर्तविण्यात येत आहे. याशिवाय आणखी काही नवे चेहरे मंत्रिमंडळात बघायला मिळू शकतात.

पंतप्रधानपदी नियुक्ती केल्यानंतर सुनक यांनी 10 डाउनिंग स्ट्रीटवरुन देशाला संबोधित केलं. आपल्या पहिल्या भाषणात त्यांनी देशवासियांना सोबत मिळून काम करण्याचं आवाहन केलं. ते म्हणाले, झालेल्या चुका सुधारण्यासाठी माझी निवड करण्यात आली आहे. मी नम्रतेनं ब्रिटनच्या लोकांची सेवा करत राहीन. एकत्रितपणे आपण अविश्वसनीय गोष्टी साध्य करू शकतो. आपण सर्व मिळून चांगले भविष्य घडवू.

I stand here before you ready to lead our country into the future, to put your needs above politics, to reach out and build a govt that represents the very best traditions of my party. Together we can achieve incredible things: British PM #RishiSunak at 10 Downing Street pic.twitter.com/ElycCq2F2d

— ANI (@ANI) October 25, 2022

कोण आहेत ऋषी सुनक?

लिझ ट्रस यांच्या राजीनाम्यानंतर भारतीय वंशाचे ऋषी सुनक ब्रिटनचे नवे पंतप्रधान झाले आहेत. सुनक हे भारतीय वंशाचे असून त्यांचे आजी-आजोबा भारतीय होते. याशिवाय ते इन्फोसिसचे सर्वेसर्वा नारायण मूर्ती यांचे जावई आहेत. त्यांनी अक्षता मूर्ती यांच्याशी लग्न केलं आहे. ब्रिटनच्या पंतप्रधानपदाच्या शर्यतीत माजी पंतप्रधान बोरिस जॉन्सन यांचंही नाव आघाडीवर होतं. मात्र त्यांनी आपलं नाव मागे घेतल्यानंतर सुनक यांची दावेदारी भक्कम झाली होती. त्यानंतर सुनक यांच्याविरोधात पेनी मॉर्डोंट हे उभे होते. मात्र सुनक यांना जवळपास १८५ संसद सदस्यांचं समर्थन मिळालं, तर पेनी मॉर्डोंट यांना केवळं २५ सदस्यांचा पाठिंबा होता.