डेअरिंग तर बघा! शिवसेना जिल्हा प्रमुखाच्या खिशातून चक्क ५० हजारांचं बंडल केलं लंपास

चक्क स्टेजवर येऊन पन्नास हजार रुपये चोरट्याने चोरले. त्या चोरट्याचा व्हिडिओ हा व्हायरल झाला आहे. चोरी प्रकरणी शिवसेना जिल्हा प्रमुख संजय विभुते यांनी सांगली शहर पोलीस ठाण्यात तक्रार दिली आहे.

काय घडला प्रकार?

सांगलीचे शिवसेना जिल्हा प्रमुख संजय विभुते यांच्या खिशातून ५० हजारांच्या नोटांचं बंड भुरट्या चोराने चोरलं. सांगलीच्या स्टेशन चौकात काँग्रेसचे नेते आणि मदत तसंच पुनर्विकास मंत्री विजय वडेट्टीवार यांच्या प्रमुख उपस्थितीत ओबीसी मेळावा पार पडला. त्यावेळी भर स्टेजवर ही घटना घडली ज्यामुळे एकच खळबळ उडाली आहे.

स्टेजवर जाऊन चोरट्याने शिवसेना जिल्हाप्रमुखाच्या खिशातून नोटांचं बंडल लांबवण्याची हिंमत केली. व्यासपीठावर असलेल्या गर्दीचा फायदा घेत त्याने नोटा लांबवल्या. पैसे चोरतानाचा व्हिडीओ समोर आला आहे.

शिवसेना जिल्हा प्रमुख संजय विभूते यांनी याबाबत सांगली शहर पोलीस ठाण्यात फिर्याद दिली आहे. अज्ञात चोरट्याविरुद्ध गुन्हा दाखल करण्यात आला असून पोलीस त्याचा शोध घेत आहेत.