रामदेवबाबांना झटका, महाराष्ट्रात कोरोनिलच्या विक्रीवर बंदी
योगगुरू रामदेवबाबा यांच्या पतंजली या कंपनीने तयार केलेल्या कोरोनिल या औषधाच्या विक्रीवर महाराष्ट्रात बंदी घालण्यात आली आहे. हे औषध कोरोनावर प्रभावी आहे असा दावा रामदेवबाबांनी केला होता. तसंच या औषधाला WHO ने मान्यता दिल्याचंही म्हटलं होतं. मात्र अशी कोणतीही मान्यता दिली नसल्याचं WHO अर्थात जागतिक आरोग्य संस्थेने स्पष्ट केलं आहे. ज्यानंतर आता गृहमंत्री अनिल देशमुख […]
ADVERTISEMENT
योगगुरू रामदेवबाबा यांच्या पतंजली या कंपनीने तयार केलेल्या कोरोनिल या औषधाच्या विक्रीवर महाराष्ट्रात बंदी घालण्यात आली आहे. हे औषध कोरोनावर प्रभावी आहे असा दावा रामदेवबाबांनी केला होता. तसंच या औषधाला WHO ने मान्यता दिल्याचंही म्हटलं होतं. मात्र अशी कोणतीही मान्यता दिली नसल्याचं WHO अर्थात जागतिक आरोग्य संस्थेने स्पष्ट केलं आहे. ज्यानंतर आता गृहमंत्री अनिल देशमुख यांनी या औषधाबाबत निर्णय घेतला आहे. या औषधावर जर इंडियन मेडिकल असोसिएशननेच प्रश्न उपस्थित केले आहेत तर मग हे औषध बाजारात इतक्या घाईमध्ये आणणं योग्य ठरणार नाही. तसंच जागतिक आरोग्य संस्था, आयएमए व इतर संबंधित मान्यताप्राप्त आरोग्य संस्थांकडून प्रमाणीकरण झाल्याशिवाय कोरोनिल औषधाच्या विक्रीला महाराष्ट्रात परवानगी दिली जाणार नाही असंही अनिल देशमुख यांनी स्पष्ट केलं आहे.
#WHO, #IMA व इतर संबंधित सक्षम आरोग्य संस्थांकडून योग्य प्रमाणीकरण झाल्याशिवाय पतंजलीच्या #Coronil औषध विक्रीस महाराष्ट्रात परवानगी दिली जाणार नाही.
(२/२)— ANIL DESHMUKH (@AnilDeshmukhNCP) February 23, 2021
कोरोनिल का आहे वादात?
काही दिवसांपूर्वीच केंद्रीय आरोग्यमंत्री डॉ. हर्षवर्धन व परिवहन मंत्री नितीन गडकरी यांच्या उपस्थितीत कोरोनिल हे औषध आणण्यात आलं. सुरूवातीला हे औषध रोग प्रतिकार शक्ती वाढवण्यााठी असल्याचा दावा करण्यात आला होता. मात्र आता हे औषध कोरोना हा रोग बरा करू शकतं असा दावा करण्यात आला. यासाठी या औषधाला WHO ने मान्यता दिल्याचंही सांगण्यात आलं. यावरून IMA अर्थात इंडियन मेडिकल असोसिएशनने डॉ. हर्षवर्धन यांच्यावर तिखट शब्दांमध्ये टीका केली आहे.
हे वाचलं का?
